Аса ауылындағы аудандық мәдениет үйінде «Болашаққа бағдар: рухани жаңғыру бағдарламасы аясында Жазылбек Қуанышбаевтың 125 жылдығына арналған «Жырлайды Жазылбекті жас ақындар» атты жазба ақындардың жыр мүшәйрасы ұйымдастырылды. Байқауға әр ауылдық округтен келген 8 үміткер қатысты. III-орынды Жасөркен ауылдық округінен келген Сқақов Бегалы, II- орынды Көлқайнар ауылдық округінен Назаралы Әсел, I-орынды Айшабибі ауылдық округінен Елібек Нұрмаханбетов иеленді.Байқау екі кезеңнен тұрады; 1) Жазылбек Қуанышбаевқа арнау өлең шумақтары 2)Тәуелсіздіктің 30 жылдығына арналған өлең шумақтары оқу.
ҚР Тәуелсіздігінің 30 жылдығына орай Жамбыл облысы әкімдігінің Жастар саясаты мәселелері басқармасы мен Жамбыл облыстық іскер әйелдер қауымдастығының ұйымдастыруымен 10 қыркүйек күні Жамбыл облыстық «Үлгілі жас отбасы 2021» байқауы өтті. 2 кезеңнен тұратын байқауға облыс бойынша 14 жас отбасы қатысса, жүлделі 1 орынды Жамбыл ауданынан қатысқан, Жамбыл аудандық мәдениет үйі директорының орынбасары Мұздыбай Сағи Сағынғали ұлы отбасымен бірге жеңіп алды.
