2021 жылдың өткен кезеңінде облыс аумағында жол-көлік оқиғаларының 166 дерегі тіркеліп, көлік жүргізушілерінің орын алған жол- көлік оқиғасы орнын тастап кеткені белгілі болды. Жүргізілген іздестіру іс-шаралары барысында полиция қызметкерлері 134 жүргізушіні анықтап, жауапкершілікке тартты, қалғандарының тұратын жері анықталуда.
Көбінесе, мойнына жауапкершілік алмас үшін жүргізушілер өз міндеттерін орындамай, жол-көлік оқиғасы болған жерді тастап кетеді. Осылайша, олар заң бойынша салдары көлік құралын басқару құқығынан айыруға әкелетін жағдайларға тап болады.
Заң талаптары бойынша ЖКО орнын тек зардап шегушіні өзінің көлік құралымен жақын маңдағы емдеу мекемесіне жеткізген жағдайда ғана қалдыруға жол беріледі. Бұл ретте, өзінің тегін, мемлекеттік тіркеу нөмірлік белгісін хабарлай отырып (жеке басын куәландыратын құжатты немесе жүргізуші куәлігін және көлік құралының тіркеу құжатын көрсете отырып), кейіннен оқиға орнына қайта оралады.
Көлік құралдарының жүргізушілері ұзақ уақыт автокөліктерін жолдың жүріс бөлігінің бойында, көлік ағынының шамадан тыс артуынан қарамастан қалдырып кету деректері көп, осылайша, көліктер механикалық зақымдану нысанына айналады.
Құрметті Жамбыл облысының тұрғындары мен қонақтары! Полиция департаменті Сіздерге полиция қызметкерлері келгенге дейін жол-көлік оқиғасының орнын тастап кетпеу қажеттігін ескертеді. Егер сіз ЖКО куәгері және оның басы-қасында болсаңыз, «102» пультіне дереу хабарлауыңызды сұраймыз.