Жобаның негізгі мақсаты — өңірдегі журналистер мен белсенді әлеуметтік желі қолданушыларын мерекемен құттықай отырып, жаңа форматтағы ерекше іс-шара ұсыну, партияның имиджін қалыптастыру, сайлауалды бағдарламасын насихаттау, БАҚ өкілдерімен тығыз қарым-қатынас орнату.
Іс-шара барысында «Respublica» партиясы Жамбыл облыстық филиалының төрағасы Нұрсұлтан Оспанов, Жамбыл облыстық мәслихат депутаты Серік Данияр партияның атқарған жұмыстары, қоғамдағы рөлі туралы айтты. Шара ары қарай TedX форматында спикерлер сөзімен жалғасын тапты. «Время» республикалық газетінің меншікті тілшісі Айжан Әуелбекова «Журналисттік этика» тақырыбында, продюсер, жүргізуші Назгүл Бақыт «Жеке брендті қалыптастыру» тақырыбында ақпараттар берді.
Іс-шара облыстың үздік жастарынан құралған «Show Today» тимбилдинг ойындарымен жалғасты. Әр түрлі бағыттарға негізделген шоу-бағдарламалық ойында қатысушылар екі командаға бөліне отырып, көңілді де тартысты ойын көрсетті.
«Qalam» медиа жобасының негізгі бөлігі JarIQ интеллектуалды квизі ойнатылды. Интеллектуалды квиз 5 сауалды 5 кезеңнен құралды. Ойынға БАҚ өкілдерінен, баспасөз хатшыларынан, блогерлерден құралған Jambyl Tv, TuranInfo, 102, БОРТ 01, Aulieata media, Respublica, Jambyl press командалары қатысты.
Квиз нәтижесінде 1 орынды баспасөз хатшыларынан құралған «Jambyl press» командасы, 2 орынды өңірлік коммуникация қызметкерлерінен құралған «БОРТ 01» командасы, 3 орынды облыстық AR-AI, Ақ жол, Знамя труда газеттері мен Jambyl info ақпараттық агенттігі қызметкерлерінен құралған «Aulieata Media» командасы иеленді. Жеңімпаздар 50 000, 40 000 және 30 000 теңгелік қаржылай сыйлықтармен және дипломдармен, ал белсенді қатысушы командалар түрлі номинациялармен марапатталды. Кеш қорытындысында үздік журналистер «Respublica» партиясының төрағасы А.Ходжаназаровтың алғыс хатына ие болды.
