Балалардың қауіпсіздігін басты назарға алған бұл маңызды іс-шара аудан әкімінің орынбасары, кәмелетке толмағандардың істері және олардың құқықтарын қорғау жөніндегі комиссия төрайымы Анар Садыққызы Ахметованың жетекшілігімен өтті. Шараға Отбасын қолдау орталығының директоры Жәмила Қожамұратқызы Қалымбетова, аудандық police бөлімінің ювеналды полиция тобының аға инспекторы Досжан Дәулетжанұлы Байдалиев және білім бөлімінің білікті мамандары жұмыла қатысты.
Арнайы құрылған комиссия мүшелері аталған санаттағы балалардың тұрғылықты мекенжайларын аралап, әр отбасының әлеуметтік-тұрмыстық жағдайымен, тыныс-тіршілігімен жақын танысты. Сапар барысында балалардың қауіпсіздігі, олардың тәрбиесі, жазғы демалысын тиімді ұйымдастыру және бос уақытын мазмұнды өткізу мәселелеріне ерекше көңіл бөлінді. Сонымен қатар, ата-аналармен белсенді түрде профилактикалық-түсіндіру жұмыстары жүргізіліп, балалардың құқықтарын қорғау, құқық бұзушылықтың алдын алу және олардың қауіпсіздігін толық қамтамасыз ету бағытында тиісті кеңестер мен нұсқаулықтар берілді. Өйткені, өскелең ұрпақтың қауіпсіздігі мен жарқын болашағын қамтамасыз ету — баршамыздың ортақ міндетіміз болып табылады.
Ақпарат Жамбыл облысы әкімдігі ақпарат және қоғамдық даму басқармасы мемлекеттік ақпараттық саясат тапсырысы негізінде жарияланды
