Turaninfo ақпарат агенттігі желтоқсан айындағы ең көп оқылған материалдарға шолу жасады.
Шолу 2025 жылдың желтоқсан айында жарияланған ақпараттар негізінде дайындалып, оқырмандар тарапынан ең жоғары қызығушылық тудырған мақалаларды қамтиды. Аталған материалдар қоғамда кеңінен талқыланып, айдың басты тақырыптарына айналды.
1. Сатыбалды жастарды пәтерлерінен шығарып жатыр
Алматы қаласында жастарға арналған арендалық тұрғын үй бағдарламасы 2019 жылы іске қосылған болатын. Бағдарлама аясында пәтерлер 5 жыл мерзімге берілді. 2024 жылы алғашқы қатысушылардың жалдау мерзімі аяқталды.
Қазіргі таңда 1 мыңнан астам пәтерді қайтару жоспарланған, оның 900-ге жуығы жастардың өз еркімен қайтарылды. Бұл азаматтардың бір бөлігі өзге тұрғын үй бағдарламалары арқылы баспанаға қол жеткізген.
Сонымен қатар шамамен 150-ге жуық пәтер әлі босатылмаған. Аталған мәселе бойынша сот органдарына жүгінгенбіз, сот шешімдері қала әкімдігінің пайдасына шықты. Алдағы уақытта бұл пәтерлер толық босатылады деп күтілуде.
2. Тараздық креатившіл жас республикалық конкурста жеңімпаз атанды
Қазақстан Республикасының Мәдениет және ақпарат министрлігінде 2025 жылғы «Отанды сүю жүректен» республикалық конкурсының ақшалай жүлде қорын беру жөніндегі комиссия отырысы өтті.
«Рәміздерім – мақтанышым» номинациясында І орын Жамбыл облысынан қатысқан мобилограф Елнұр Серікке бұйырды. ІІ орын Дамир Нұрқасымға, ІІІ орын Аружан Нұрланбекке табысталды.
3. Жас әкім бір жылда қанша рет халықпен кездесті?
«Ауданның 40 елді мекенінде болдым. Барлық деңгейдегі әкімдермен 76 кездесу өткізілді (облыс әкімі — 1, аудан әкімі — 41, ауылдық округтер — 34), онда 4,5 мыңнан астам адам қатысты.
Халық тарапынан 176 сұрақтар мен ұсыныстар көтерілді. Оның 121-і (68,7%)оң шешім тапты.
Бүгінгі күнге 38 қабылдау жүргізіп, 161 азаматтың әр түрлі сұрақтары қаралды. Оның 35-і қанағаттандырылып, 75-не ауызша түсінік берілді» деді Олжас Елебекұлы.
4. Жамбыл облысында «Ой шебері» зияткерлік ойынының алғашқы іріктеу кезеңдері кең ауқымда өтті
Жамбыл облысында «Әулиеата – кітап оқитын өңір» жобасы аясында ұйымдастырылған «Ой шебері» зияткерлік ойынының 2-маусымдағы аудандық және қалалық іріктеу кезеңдері басталып, бірқатар өңірлерде сәтті өтті. Интеллектуалдық дода өңір жастарының кітапқа деген қызығушылығын арттыруды, ойлау мәдениетін қалыптастыруды және «Адал азамат» қағидатын кеңінен насихаттауды мақсат етеді.
5. Ерлан Қарин: «Кітап оқу мәдениетін қалыптастыру – бәрімізге ортақ міндет»
Қазақстан Республикасының Мемлекеттік кеңесшісі Ерлан Қарин жақында «Жас Алаш» газетінде жарық көрген «Кітап оқымайтын қоғам: Жалған статистикаға жасырынған шындық» атты материалға пікір білдірді. Аталмыш талқыға баспагерлер Шыңғыс Мұқан мен Арман Әлменбет, сондай-ақ кітапхана қызметкері Айдос Бектұрсын қатысқан болатын.
