Ағымдағы жылы «PBI» жобасы аясында Департаментке «Адель» ЖК өтініш келіп түсті, онда кәсіпкер Байзақ ауданының әкімдігіне қатысты шара қолдануды және аймақтағы балық аулау саласын дамыту үшін Байзақ ауданының аумағында жер телімін алуға ықпал етуді сұраған.
Өтінішті қарау нәтижелесі бойынша «Адель» ЖК қойылған сұрақтар оң шешімін тапты.
«Біз балық аулау саласына сазан өсіру және осы саланы дамыту үшін 30 миллион теңге салуды көздеп отырмыз. Өздеріңіз білетіндей, балық аулау — Жамбыл облысындағы ең жас салалардың бірі. Бірнеше ай бұрын мен Байзақ аймағында балық аулауға рұқсат беру туралы өтініш жаздым. Алға қойылған міндеттерді шешу үшін мен «PBI» жобасына жүгіндім. Осы мәселені қарастыра отырып, Сыбайлас жемқорлыққа қарсы іс-қимыл агенттігінің Жамбыл облысы бойынша департаментінің басшылығы Жамбыл облысы әкімдігінің табиғи ресурстар және табиғатты пайдалануды реттеу басқармасы бірлесіп, уақтылы жүргізілген іс-шаралар нәтижесінде менің мәселемді шешті», — дейді жеке кәсіпкер Нұрлан Кембаев.
Бүгінде «Адель» ЖК облыста балық өсіретін шаруашылық ашуды және дамытуды жоспарлап отыр.
«Кеңсе қызметін «Атамекен» Қазақстанның ұлттық кәсіпкерлер палатасы белсенді түрде қолдайды және бұл форматтың басты айырмашылығы — кәсіпкерлік пен мемлекет арасындағы қатынастардың әрбір проблемалық жағдайына жоба қызметкерлерінің терең енуі болды. Департамент Жамбыл облысындағы кәсіпкерлер палатасымен бірлесіп, әділеттілік пен заңдылықты қалпына келтіруге жүгінген 25 кәсіпкердің құқықтары мен мүдделерін қорғады», — деп атап өтті Департаменттің Басқарма басшысы Дәурен Омаров.
Қазақстан Республикасы Сыбайлас жемқорлыққа қарсы іс-қимыл агенттігінің Жамбыл облысы бойынша департаменті «Protecting Business and Investments, яғни бизнес пен инвесторларды қорғау» жобасы аясында шетелдік және отандық инвесторлармен 400 млрд.теңгеден асатын 41 жобаны сүйемелдеуді жүзеге асыруда
«Инвесторлардың сыбайлас жемқорлыққа қарсы сүйемелдеуге алынуының басты шарты мемлекетіміздің аумағында адал және парасатты бизнес жүргізу бойынша өзіне міндеттеме алуы болып табылады», — дейді Дәурен Омаров.
