Дулат Рустембекұлы 1994 жылы Қазақстан Республикасы Оңтүстік Қазақстан облысы Қазығұрт ауданында дүниеге келген, жоғары білімді. Ол 2017 жылы Астана қаласындағы М.С. Нәрікбаев атындағы КАЗГЮУ университетіАҚ (MNU) «Құқықтану» мамандығы бойынша тәмамдаса, 2018 жылы Шымкент қаласындағы М.Әуезов атындағы Оңтүстік Қазақстан мемлекеттік университетінде құқық магистрі дәрежесін алған. Кейін, 2023 жылы Қазақстан Республикасы Президентінің жанындағы Мемлекеттік басқару академиясының Мемлекеттік саясаттың ұлттық мектебін «Мемлекеттік саясат» (MPP – Master of Public Policy) мамандығы бойынша бітіріп, магистр дәрежесін иеленген.
Өз еңбек жолын 2016 жылы Астана қаласындағы «Сембол улусларарасы ятырым тарым пейзаж иншаат туризм санайи ве тиджарет аноним ширкети» АҚ-да жабдықтау агенті болып бастаған жас маман, 2017 жылдан бастап Оңтүстік Қазақстан облысы Қазығұрт ауданындағы «Құрылысшы» ЖШС-де заңгер және мемлекеттік сатып алу жөніндегі маман қызметтерін атқарған. 2018–2024 жылдар аралығында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Оңтүстік Қазақстан облысы және Шымкент қаласы бойынша департаменттерінің Мемлекеттік көрсетілетін қызметтерді бақылау басқармасында жетекші маман міндетін атқарушы, жетекші маман және бас маман ретінде еңбек етіп, мемлекеттік қызметтердің сапасын бақылау бағытында тәжірибе жинақтады.
Ал 2024–2026 жылдары Шымкент қаласы әкімінің аппараты мемлекеттік мекемесінің инспекторлық жұмыс бөлімінде және қоғамдық-саяси саланы мониторингтеу бөлімінде бас инспектор лауазымында қызмет атқарып, мемлекеттік басқару, жергілікті атқарушы органдардың қызметін бақылау, сондай-ақ әлеуметтік және қоғамдық-саяси салаларға мониторинг жүргізу бағыттарында кәсіби біліктілігін шыңдаған.
Орыс, ағылшын және түрік тілдерінде еркін сөйлейтін Дулат Рустембекұлы жаңа қызметінде өңірдің денсаулық сақтау саласының экономикалық мәселелерін дамытуға өз үлесін қоспақ.
