Бүгін Өңірлік коммуникациялар қызметінің ақпарат алаңында Жамбыл облысы әкімдігінің экономика және бюджеттік жоспарлау басқармасының басшысы Гүлдана Әлімжанқызы Жауынбекованың қатысуымен «Ауыл-Ел бесігі» жобасының жүзеге асырылу барысы тақырыбымен онлайн баспасөз конференциясы өткен болатын.
Басшының айтуынша, Елбасының 2018 жылғы 5 қазандағы Қазақстан халқына Жолдауында ауылдық жерлердегі әлеуметтік ахуалды жаңғырту және өңірлердегі еңбек идеясын насихаттау міндетін қойды.
Бүгінге өңірлерді дамыту бағдарламасы аясында «Ауыл-Ел бесігі» арнайы жобасын іске асырылуда.
Облыстағы 372 елді мекенде 1 133 мың тұрғын бар, оның 368-і ауылдық елді мекендер, онда 683 мың халық тұрады. 368 ауылдық елді мекеннің 67-і тіректі, 167-і спутниктік, 4-і стратегиялық маңызды, қалған 130-ы даму әлеуеті орташа/төмен елді мекендер.
Республика деңгейінде «Елді мекендерге арналған өңірлік стандарттар жүйесін бекіту туралы» 6 министірліктің бірлескен бұйрығы әзірленді. Бұл жүйе елді мекендердің инфрақұрылымға, мемлекеттік және әлеуметтік қызметтерге қолжетімділігін, яғни тұрғындардың тұрмыс сапасын жақсарту көрсеткіштерін белгілейді.
Әкімдердің жұмысы осы тұрғыдан бағаланады.
