Учаскелік инспектордың қызметі турасында Сарысу ауданының полиция бөлімі №9 учаскелік полиция пунктінің учаскелік инспекторы полиция капитаны Руслан Мұсаев айтып берді: «Полицей мамандығын таңдау мен үшін кездейсоқ таңдау болмады, жасөспірім кезімде ержүрек, адал, тәртіпті болуды мақсат тұтып, әскери қызмет туралы, адамдарға көмектесуді армандадым және азаматтар мен Отанымыздың игілігі үшін ерлік жасау қажет болса ешбір ойланбастан жасайтыныма сенімді болдым».
Ішкі істер органдарына қызметке Руслан 2013 жылы келді, қазіргі жұмыс орнындағы учаскелік инспектор лауазымында 2015 жылдан бастап жұмыс істейді. Бір сәтте жас полицейдің бақылауына 2 352 жеке үй және 6 100 адам тұратын аумақ орналасқан әкімшілік учаске алынды. Ол қызмет атқарғанына көп уақыт болмаса да әріптестері мен басшылықтың алдында өзін тек жақсы жағынан көрсетті. Адал және мінсіз қызметі үшін бірнеше мәрте мақтау қағаздарымен марапатталды.Руслан жұмыстың тиімді болуы үшін учаскелік инспектордың басты міндеті учаскеде тұратын барлық азаматтармен өзара түсіністік орнату, сондай-ақ халық арасында сенімді қарым-қатынас орнату болып табылады деп есептейді. Есептегі контингентті, сондай-ақ учаске тұрғындарының өзекті мәселелерін білу-нәтижелі жұмыстың қажетті құрамдас бөлігі екендігі белгілі.
Айта кетерлігі, қойылған міндеттерді шешуге, жұмысының табыстылығына оның өзі осы жақтың тумасы болғаны, И. Сүлейменов атындағы орта мектепті осында оқып, бітіргені де өз септігін тигізді. Кейінірек өзінің болашақ әйелін де осында кездестіріп үйленді. Аудан тұрғындарымен бала кезінен таныс, барлығы оған полиция қызметкері және қиын сәтте көмек көрсетуге дайын тәртіп сақшысы ретінде үлкен құрметпен қарайды.
«Учаскелік инспектор қоғамдық тәртіпті сақтауда, әкімшілік құқық бұзушылықтардың алдын алуда және қылмысқа қарсы күресте, сондай-ақ халықпен өзара тығыз іс-қимыл жасауда мақсатқа бағытталған жұмыс жасайды. Ол барлық талаптарға сәйкес келуі тиіс. Жыл басынан бері мен әкімшілік учаскеде 154 хаттама толтырдым, ұсақ бұзақылықтан бастап есірткі құралдарын заңсыз сақтау түріндегі теріс қылықтарға дейін әртүрлі сипаттағы құқық бұзушылықтар жасалды. Жыл басынан бері аумақта 11 қылмыс тіркелді, 10-ы ашылды, жоғары вольтты сымдарды ұрлаудың 1 дерегі өндірісте, ашу жұмыстары жүргізілуде. Жалпы, жұмыс жеткілікті»- дейді жас полицей.
Руслан азаматтармен тығыз сенімді қарым-қатынас орнату үшін жұмыс жасайды, халыққа жоғалған туыстарын, адасқан малын іздеуге немесе жоғалған жеке заттарын табуда көмек көрсетеді. Тұрғындармен тығыз қарым-қатынастың арқасында учаскелік полиция қызметкері әртүрлі сипаттағы құқық бұзушылықтарды да, қылмыстарды да ашқанын есіне алды.
Мейірімді әке және жұбайына қамқоршы болған Русланның 3 баласы бар, жұбайы Мөлдір Сарыбаевамен 9 жылдан астам уақыт некеде тұрады, әйелі жұбайының жұмысына үлкен түсіністікпен қарайды, қызы Асылай -6 жаста және ұлдары – Бегасыл-8 жаста, Ақжүрек-1,5 жаста.
Ағымдағы жылдың қыркүйек айында Руслан Мұсаев халықтың барлық талаптарына жауап беретін облыстағы ең үздік учаскелік инспектор болып таңдалып, Жамбыл облысы әкімінің және ПД басшылығының алғыс хатын иеленіп, қызмет өткерудегі ұтқырлығы үшін оған «Нива» маркалы жаңа қызметтік автокөлігінің кілті табысталды. Сонымен қатар осы жылдың қазан айында ҚР ІІМ министрі Ерлан Тұрғымбаевтың алғыс хатымен марапатталды.
