Жиында спикер ретінде Жамбыл облыстық сотының азаматтық істер жөніндегі сот алқасы төрағасының м.а. Ардақ Әкетаев, қылмыстық істер жөніндегі сот алқасының судьясы Азамат Тлепов және әкімшілік істер жөніндегі сот алқасының төрағасы Динара Нұрлыбаева сөз сөйледі.
Алғашқы сөз азаматтық істер жөніндегі сот алқасының төрағасы А.Әкетаевқа беріліп, ол сот жүйесінде жүргізіліп жатқан реформаның негізгі бағыты заңның үстемдігін қамтамасыз ету, азаматтардың сот төрелігіне сенімін арттыру және кәсіби судьялар корпусын қалыптастыру болып табылатынын атап өтті.
Сондай-ақ азаматтық даулар бойынша соттардың жұмысы туралы айтты.
2023 жылдың алты айында бірінші сатыдағы соттармен 8 350 азаматтық іс өндірісімен аяқталып, оның ішінде 4 822 іс шешім шығарумен қаралған. Апелляциялық тәртіппен 26 шешімнің (0,5%) күші жойылған, 40 шешім (0,8 %) өзгертілген.
Өз сөзінде қылмыстық істер жөніндегі сот алқасының судьясы А.Тлепов 2023 жылғы 1 жартыжылдығында облыс соттарының қылмыстық істерді қарау нәтижелеріне егжей-тегжейлі тоқталды.
«Облыс соттарының кәсіпқойлығы мен үйлесімді жұмысы заңда белгіленген мерзімде 365 әкімшілік құқық бұзушылық туралы істі, 705 адамға қатысты 599 қылмыстық істі қарауға мүмкіндік берді;шартты түрде мерзімінен бұрын босату мен жазаның өтелмеген мерзімін ауыстыру туралы барлығы 828 материал қарауға мүмкіндік берді», — деп атап өтті А.Тлепов.
Оның айтуынша, қысқартылған тәртіппен қаралған қылмыстық істердің саны 2022 жылғы 539-дан 2023 жылы 599-ға дейін өскен.
Брифингті әкімшілік істер бойынша сот төрелігін жүзеге асыру қорытындылары туралы баяндамасымен әкімшілік істер жөніндегі сот алқасының төрағасы Д.Нұрлыбаева жалғастырды.Спикер әкімшілік әділеттің жетістіктері мен аталған институттың азаматтардың өтініштерін қарау тиімділігін арттыруға және бұзылған құқықтары мен заңды мүдделерін қалпына келтіруге ықпал еткенін атап өтті.
Әкімшілік әділеттің аясында 2023 жылдың 6 айында 712 әкімшілік іс түсіп, 526 іс қаралған.
Шешім шығарумен 180әкімшілік іс қаралды, оның 100-і талап қоюшылардың (азаматтар мен бизнес субъектілерінің) пайдасына, ал 80-і бас тартылды. Оның ішінде МАӘС – 158 іс, аудандық соттар – 22 шешім шығарумен қаралды.
53 ісбітімгершілікпен аяқталды, оның ішінде: талап арызды қайтарып алуға байланысты (сот отырысы барысында) — 16, медиация тәртібімен — 33, татуласу туралы келісім жасасумен — 4.
Спикер әкімшілік істерді қарау барысында судьялармен азаматтар мен бизнес субъектілерінің сотқа шағымдары мен өтініштеріне негіз болған лауазымды адамдардың, әкімшілік органдардың жүйелі проблемалары анықталғанын атап өтті.
Соттармен істерді қарау нәтижелері бойынша әкімшілік орган мен лауазымды тұлғалар атына 40 жеке ұйғарым шығарды.
Брифинг барысында сот жүйесінің өкілдері журналистердің сұрақтарына жауап берді.
