16-17 маусым аралығында өткізу жоспарланған мектеп бітіру кештеріне байланысты тәртіп сақшылары тәулік бойы қызмет атқарудың күшейтілген режимінде жұмыс жасайтын болады. Қызметті үйлестіру және түрлі құқық бұзушылықтарға, оның ішінде мектеп бітірушілер кештерін өткізу орындарында жедел әрекет жасау үшін қосымша жедел штабтар құрылды.
Кештің салтанатты және бейресми бөлімдерін өткізу кезеңінде түлектердің қауіпсіздігін қамтамасыз етуге қатысты қажетті ұйымдастырушылық және тәжірибелік іс- шаралар қабылданды. Тәртіп сақшылары салтанатты іс-шаралар өткізілетін 385 орында 10 759 мектеп бітіруші түлекті, оның ішінде облыстың 370 мектебі мен 35 ойын- сауық мекемесін тексерумен қамтитын болады.
Полицейлер мектеп түлектерімен және олардың ата-аналарымен, ойын-сауық мекемелерінің қожайындарымен және дүкендері бар жеке кәсіпкерлермен 2000-нан астам профилактикалық сипаттағы әңгімелер өткізді. Профилактикалық мазмұндағы 3000-нан астам бүктемелер мен парақшалар таратылды.
— Ата-аналарға мектеп бітіру кештері кезінде балаларына тиісті көңілбөлу керектігін ескерткіміз келеді. Салтанатты іс-шараларда спирттік ішімдіктерді пайдалануға, темекі шегуге, автокөлік құралын басқару құқығын жасөспірімдерге беруге тыйым салынады.Сондай-ақ тыйым салынған жерлерде шомылудан және іс-шараны өткізуден тыс жерлерде көңіл көтеруден аулақ болу керек. Су айдындарында, көпірлерде, жолдың жүру бөліктерінде таңға дейін болдырмау мақсатында іс-шара толық аяқталғанға дейін оқушылармен бірге жүруді ұсынамыз.
Бітіру кеші- бұл мектептегі кезеңмен қоштасу және сонымен бірге ересек және саналы өмірге жасалатын алғашқы қадам. Сіздің алдағы жолыңыз осы қадамдардан қалай өтетініңізге де байланысты, — деп сөзін түйіндеді облыстық Полиция департаментінің Жергілікті полиция қызметі басқармасы ювеналды полиция тобының ерекше тапсырмалар жөніндегі аға инспекторы полиция полковнигі Қуанышбек Қалжанов.
