Ағымдағы жылдың 28 ақпанында сағат 21:30 шамасында Меркі ауданы Ойтал ауылының 42 жастағы тұрғыны «102» тетігіне автокөлік ұрлығы туралы шағыммен жүгінді.
Полицейлер жәбірленушіден жауап алып, «ИЖ-27175» маркалы көлік Тұрар Рысқұлов көшесіндегі дүкендердің бірінің жанында тұрғанын анықтады.
Көліктің иесі есіктерді құлыптамай, ашық қалдырған. Белгісіз тұлға көлік салонына кіріп, оны айдап кеткен.
Жедел-іздестіру іс-шаралары барысында полиция қызметкерлері бір сағат ішінде Меркі ауданының 42 жастағы тұрғынын анықтап, ұстады. Ұсталған азамат кінәсін толық мойындады.
Медициналық куәландыру көрсеткендей, жәбірленуші мас күйде болған.
Аталған дерекке қатысты ҚР Қылмыстық кодексінің 200-бабы 1-бөлігі бойынша сотқа дейінгі тергеу амалдары басталды.
Жамбыл облысының Полиция департаменті автокөлік ұрланған жағдайда дереу полицияға хабарлауды ескертеді. Ұрлық туралы хабар дер кезінде берілсе, қылмыскерді «ізін суытпай» ұстаудың ықтималдығы да соғұрлым жоғары болады.