2023 жылғы 12 ақпанда сағат 17: 50-де Тараз қаласындағы Көшеней көшесі бойынша жедел ақпаратты пысықтау барысында полицейлер бетон плиталарының арасынан қару-жарақ пен оқ-дәрі салынған полипропилен қапшығын тапты.
Оқиға орынынан полиция қызметкерлері зауыттық нөмірлері өшірілген «ИЖ-ЗК» бір оқпанды тегіс ұңғылы аңшы мылтығын, 4,5 мм калибрлі «МР-654К» пневматикалық тапаншасын, түрлі калибрлі 85 патронды тәркіледі.
Осы дерекке қатысты ҚР ҚК-нің 287-бабы 3-бөлігімен (Атыс қаруын, оқ-дәрiлердi, жарылғыш заттарды немесе жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) сотқа дейінгі тергеп-тексеру амалдары басталды. Қаруға сот-баллистикалық сараптамасы тағайындалды.
Жамбыл облысының Полиция департаменті қарудың, оқ-дәрілердің, арнайы құралдардың орналасқан жері туралы хабарлаған немесе оны полицияға өз еркімен тапсырған адам, егер басқа құқық бұзушылықтарға қатысы болмаса, қылмыстық және әкімшілік жауапкершілікке тартылмайтынын еске салады. Анонимділікке кепілдік беріледі
