Жиын барысында Жамбыл облыстық сотының азаматтық істер жөніндегі сот алқасының төрағасының міндетін атқарушы Ардақ Әкетаев азаматтық істер бойынша сот төрелігін атқару барысы бойынша баяндама оқыды.
«Заңның әділ үстемдігін қамтамасыз ете отырып, халықтың сот төрелігіне сенімін арттыру, сот билігінің беделін көтеру, істерді сапалы қарайтын кәсіби білікті судьялар корпусын қалыптастыру, біркелкі болжамды сот тәжірибесін орнықтыру, сот актілерінің сапасын көтеру – қазіргі кезде елімізде іске асырылып жатқан сот реформасының басты бағыттары болып саналады. Сондықтан бұл реформаның жүзеге асырылуы соттардың сот төрелігін сапалы атқаруына тікелей байланысты», — дей келе Ардақ Аманжолұлы ағымдағы жылдың алты айында бірінші сатыдағы соттар 8350 азаматтық істің өндірісін сәтті аяқтағанын жеткізді. Оның ішінде 4 822 іс шешім шығарумен қаралған. Апелляциялық тәртіппен 26 шешімнің күші жойылған, 40 шешім өзгертілген.
Күші жойылған шешімдер: Тараз қалалық соты-9, МАЭС-4, Ювеналды сот–1, Байзақ-3, Жамбыл -2, Сарысу-1, Шу-1, Қордай–2, Т.Рыскулов-3.
Өзгертілген шешімдер: Тараз қалалық соты -19, Байзак-4, МАЭС-5, Т.Рыскулов-2, Шу-3, Кордай-2, Мерке – 1, Ювеналдық сот -1, Талас -2, Сарысу-1.
Салстырмалы түрде 2022 жылдың бірінші жартыжылдығына бірінші сатыдағы соттармен 7908 азаматтық іс өндірісімен аяқталып, оның ішінде 4 241 іс шешім шығарумен қаралған болатын. 2022 жылдың 1 жарты жылдығында апелляциялық және касациялық тәртіппен күші жойылған және өзгертілген шешімдер 67 (1,6%) құраған еді.
«Біздің негізгі мақсатымыз статистикалық мәліметтерді көздеу емес, басты мақсат — сот төрелігін сапалы атқару екенін бәріңіз де жақсы түсінесіздер. Дегенмен, жалпы күші жойылған және өзгертілген шешімдер 66, яғни 1,3 % құрап отыр. Бұл көрсеткіш азаматтық істер бойынша Жамбыл облысының соттары республика соттары арасындағы ең жоғарғы сапалы сот төрелегін жүзеге асырып жатқанын көрсетеді. 2022 жылдың қорытындысы бойынша да облыс соттары азаматтық істер бойынша сот төрелегін атқаруда ең жоғарғы нәтижелермен аяқтады. Алдағы уақытта да осы қарқынды қызметімізді одан әрі жалғастырып, сот төрелігінің сапалы атқарамыз деп ойлаймын»,- деді баяндамашы өз сөзінде.
