Қазақстан Республикасының Еңбек және халықты әлеуметтік қорғау министрлігі Мемлекеттік еңбек инспекциясы комитетінің Жамбыл облысы бойынша департаментінің мәліметінше, 2026 жылдың алты айында мемлекеттік бақылау аясында барлығы 96 тексеру жүргізілген. Оның ішінде 5-уі профилактикалық бақылау болса, 91-і жоспардан тыс тексерулердің үлесіне тиесілі.
Тексеру қорытындысында жалпы 113 заң бұзушылық анықталған. Оның 88-і еңбек қатынастарына қатысты болса, 24 жағдай еңбек қауіпсіздігі және еңбекті қорғау талаптарының сақталмауына байланысты тіркелген.
Анықталған кемшіліктерді жою мақсатында жұмыс берушілерге 63 нұсқама берілген. Сонымен қатар заң талаптарын бұзған тұлғаларға қатысты 32 әкімшілік іс қозғалып, жалпы сомасы 6 миллион 572 мың 85 теңге көлемінде әкімшілік айыппұл салынған.
Мамандар еңбек заңнамасының талаптарын сақтау өндірістегі қауіпсіздікті қамтамасыз етудің және қызметкерлердің құқықтарын қорғаудың негізгі тетігі екенін атап өтеді. Осыған байланысты еңбек инспекциясы тарапынан бақылау шаралары алдағы уақытта да жалғасады.
Ақпарат Жамбыл облысы әкімдігі ақпарат және қоғамдық даму басқармасы мемлекеттік ақпараттық саясат тапсырысы негізінде жарияланды
