Жамбыл облысының Мамандандырылған табиғат қорғау прокуратурасы жүргізген талдаумен акваөсіру өнімінің өнімділігі мен сапасын арттыруды субсидиялау мәселелері бойынша кәсіпкерлік субъектілерінің құқықтарын бұзу фактілері анықталды.
Жыл сайын мемлекет балық саласын дамытуды мемлекеттік ынталандыру шеңберінде кәсіпкерлік субъектілеріне субсидиялар төлейді.
Сонымен қатар Жамбыл облысы әкімдігінің Табиғи ресурстар және табиғат пайдалануды реттеу басқармасы жем-шөп, балық отырғызу материалын сатып алуға субсидиялау және субсидиялар төлеу көлемін белгілейтін қаулы дайындау кезінде мерзімдерін бұзылуына жол берген.
Жол берілген әуре-сарсаңның нәтижесінде 23 бизнес субъектісі ұзақ уақыт бойы тиісті субсидия алмаған.
Қадағалау актісі негізінде кәсіпкерлерге 95 млн теңгеден астам қаражат төленді, кінәлі тұлғалардың жауаптылыққа туралы мәселе шешілуде.
Бас Прокуратураның баспасөз қызметі
