Есепті кезеңде облыс соттары тарапынан барлығы 8 008 сот шешімі шығарылды. Жоғары сот сатыларында бұл шешімдердің бұзылу немесе өзгертілу пайызы өте төмен. Апелляциялық тәртіпте 43 шешімнің күші жойылып, 67 шешім өзгертілді, ал кассациялық сатыда небәрі 6 шешім бұзылып, 4 шешім өзгертілген. Шешімдердің жойылуына негізінен судьялардың істі сот талқылауына дайындау кезеңінде маңызды мән-жайларды толық айқындамауы немесе материалдық-процестік құқық нормаларын қате қолдануы себеп болған.
Сонымен бірге сот жүйесіндегі басты басымдықтардың бірі – дауласушы тараптарды татуластыру және бітімгершілік әдістерін кеңінен қолдану. Облыста татуластырушы судьялардың жұмысына ай сайын мониторинг пен талдау жүргізіліп келеді. Осының нәтижесінде 2026 жылдың алғашқы алты айында татуластыру рәсімдері арқылы қаралған істердің саны 3 861-ге жетіп, жалпы қаралған істердің 42,9 пайызын құрады.
Өңір соттары арасында татуластыру көрсеткіштері бойынша айырмашылықтар бар. Мамандардың хабарлауынша, дауды бейбіт жолмен шешу бойынша ең жоғары көрсеткіштер Байзақ және Шу аудандық соттарында, сондай-ақ мамандандырылған экономикалық және кәмелетке толмағандардың істері жөніндегі соттарда тіркелген. Ал Сарысу, Меркі және Мойынқұм аудандық соттарында татуластыру көрсеткіштері әлі де төмен деңгейде қалып отыр. Кассациялық сатыда апелляциялық алқаның 11 қаулысы жойылып, 4-і өгертілгенімен, өрескел заң бұзушылық фактілері тіркелмеген. Соттар дауларды балағатсыз, өзара келісіммен шешу институтын одан әрі нығайтуды көздеп отыр.
Фото ЖИ көмегімен әзірленді
Ақпарат Жамбыл облысы әкімдігі ақпарат және қоғамдық даму басқармасы мемлекеттік ақпараттық саясат тапсырысы негізінде жарияланды
