БІРМАНДАТТЫҚ №7 САЙЛАУ ОКРУГІ БОЙЫНША ЖАМБЫЛ ОБЛЫСТЫҚ МӘСЛИХАТЫНЫҢ ДЕПУТАТТЫҒЫНА КАНДИДАТ СМАТОВ ЖАМБЫЛ СЫРЛЫБЕКҰЛЫНЫҢ

САЙЛАУАЛДЫ БАҒДАРЛАМАСЫ

«Сіздің сеніміңіз – менің жауапкершілігім!»

Құрметті сайлаушылар!

Мен, Сматов Жамбыл Сырлыбекұлы, Жамбыл облыстық мәслихатының депутаттығына кандидат ретінде Сіздердің сенімдеріңізді ақтауды, тұрғындардың өзекті мәселелерін шешуге ықпал етуді және округіміздің әлеуметтік-экономикалық дамуына үлес қосуды басты парызым деп білемін.

№7 сайлау округіне қала аумағындағы бірқатар көшелермен қатар Хамукат, Родничок, Родничок-1, Мичуринец, Қайнар, Төңкеріс, Ақжол, Шапағат, Гидрокешен, Бурыл, Ұлы Дала, Қызыл жұлдыз, Талас, Шайқорық, Қоңыртөбе және Ақбұлым тұрғын алаптары кіреді.

Әрбір елді мекеннің өзіне тән мәселесі мен қажеттілігі бар. Сондықтан менің басты ұстанымым – халықтың үнін естіп, нақты проблемаларды айқындап, оларды шешу үшін жүйелі әрі нәтижелі жұмыс жүргізу.

1. Жолдар және инженерлік инфрақұрылым

• Округ аумағындағы асфальтталмаған және жөндеуді қажет ететін көшелерді кезең-кезеңімен жөндеу, жаяу жүргіншілер жолдарын салу жөнінде тиісті органдарға ұсыныстар енгізу;
• Инженерлік желілері тозған аумақтарда жөндеу және жаңғырту жұмыстарын жүргізу мәселесін облыстық бюджетке енгізуге ықпал ету;
• Хамукат, Родничок, Мичуринец, Қайнар, Ақжол, Шапағат және өзге де тұрғын алаптардағы инфрақұрылым мәселелерін кезең-кезеңімен шешу бағытында жұмыс жүргізу.

2. Тұрғын алаптарды дамыту

• Әрбір тұрғын алаптың өзекті мәселелерін жеке зерделеп, шешудің басым бағыттарын айқындау;
• Бурыл, Ұлы Дала, Қызыл жұлдыз, Талас, Шайқорық, Қоңыртөбе және Ақбұлым аумақтарындағы жол, жарықтандыру, ауызсу және қоғамдық көлік мәселелерін тұрақты көтеру;
• Жаңадан қалыптасып жатқан тұрғын аудандарда әлеуметтік және инженерлік инфрақұрылымның уақтылы дамуына ықпал ету;
• Тұрғындардың өтініштері негізінде көшелерді жарықтандыру, аялдамалар орнату және қоғамдық кеңістіктерді абаттандыру мәселелерін шешуге атсалысу;
• Елді мекендер арасындағы инфрақұрылымдық теңгерімді қамтамасыз ету жөнінде нақты ұсыныстар әзірлеу.

3. Білім беру және балалар қауіпсіздігі

• Мектептер мен мектепке дейінгі ұйымдардағы орын тапшылығы мәселесін зерделеп, қажетті аумақтарда жаңа нысандар салу немесе қосымша орын ашу мәселесін көтеру;
• Мектептерге апаратын жолдардың қауіпсіздігін қамтамасыз етуге, жаяу жүргіншілер өткелдерін, жол белгілері мен жарықтандыру жүйелерін орнатуға ықпал ету;
• Балалардың бос уақытын тиімді ұйымдастыру үшін спорт және ойын алаңдарының санын көбейту мәселесін қарастыру;
• Оқушылардың спорттық және шығармашылық үйірмелерге қолжетімділігін арттыруға бағытталған бастамаларды қолдау.

4. Тазалық, көгалдандыру және экология

• Округ аумағындағы санитарлық тазалық пен тұрмыстық қалдықтарды уақтылы шығару мәселесін тұрақты бақылауда ұстау;
• Қоқыс алаңдарын ретке келтіру, контейнерлер санын көбейту және заңсыз қоқыс орындарын жою жөнінде ұсыныстар енгізу;
• Ағаш отырғызу, жасыл аймақтарды көбейту және егілген көшеттердің күтімін қамтамасыз ету ісін қолдау;
• Аулаішілік аумақтарды абаттандыруға, балалар және спорт алаңдарын жөндеуге назар аудару;
• «Таза Қазақстан» жалпыұлттық бастамасы аясында тұрғындардың экологиялық мәдениетін арттыруға бағытталған іс-шараларға қолдау көрсету.

5. Қоғамдық қауіпсіздік және әлеуметтік қолдау

• Қоғамдық тәртіпті сақтау, құқық бұзушылықтың алдын алу және тұрғындардың қауіпсіздігін қамтамасыз ету бағытындағы жұмыстарға ықпал ету;
• Әлеуметтік осал санаттағы азаматтардың, көпбалалы отбасылардың, жалғызбасты қарттардың және мүмкіндігі шектеулі адамдардың мәселелерін назарда ұстау;
• Әлеуметтік көмек пен мемлекеттік қолдау шараларының тиісті азаматтарға қолжетімді болуына атсалысу;
• Ардагерлермен, ақсақалдармен, қоғамдық ұйымдармен және белсенді тұрғындармен тұрақты байланыс орнату.

6. Тұрғындармен тұрақты байланыс және ашықтық

• Әрбір тұрғын алапта тұрғындармен тұрақты кездесулер өткізу;
• Азаматтардың өтініштері мен ұсыныстарын жүйелі түрде жинақтап, оларды шешу жолдарын қарастыру;
• Өзекті мәселелер бойынша облыстық және қалалық деңгейдегі мемлекеттік органдарға депутаттық сауалдар мен ұсыныстар жолдау;
• Атқарылған жұмыс туралы тұрғындарға тұрақты әрі ашық ақпарат беру.

Қорытынды

Мен үшін депутаттық қызмет – лауазым емес, халық алдындағы үлкен жауапкершілік.

Әрбір тұрғынның өтініші назардан тыс қалмауы тиіс. Әрбір мәселенің шешілуіне ықпал ету үшін нақты ұсыныс, жүйелі жұмыс және тұрақты бақылау қажет.

Бірлік бар жерде – береке бар. Бірлескен еңбек арқылы округіміздің өмір сүру сапасын арттыра аламыз.

«Әр тұрғынды тыңдаймын, әр мәселені көтеремін, нақты нәтиже үшін жұмыс істеймін!»

Дайындаған: «ID Corp» ЖШС.
Тапсырыс беруші: Ж.С.Сматов

№7 бірмандаттық аумақтық сайлау округі бойынша Жамбыл облысы мәслихатының депутаттығына «Әділет» партиясы ұсынған кандидаттың республикалық бюджет қаражатынан төленді.