Оңтүстік өңір үшін сексеуілдің маңызды қасиеті — жердің шөлейттенуіне жол бермеу екенін атап өткен жөн. Жамбыл облысында шөлейттену әсіресе Мойынқұм және Шу аудандарында белең алып келеді. Үйлерін жылыту үшін осы өсімдікті кесіп тастағанда, адамдар шөлді мекендеушілерге орны толмас зиян келтіріп қана қоймайды, жануарларды бір уақытта сусыз және тамақсыз қалдырып, олардың жойылып кетуіне апаратын нағыз экологиялық қылмыс жасайды, — делінген ақпаратта.
Сексеуіл көшеттері желдің жылдамдығын төмендетеді, аймақтың микроклиматын жақсартады және парниктік газдар деңгейін төмендетуге ықпал етеді. Сексеуілді кесуге мораторий енгізу – ресурстарды қалпына келтірудің мәжбүрлі шарасы.
Жамбыл облысының полиция департаменті сексеуілдің әлі де жойылып кету қаупі бар екенін ескертеді! Еліміздің мемлекеттік орман қоры учаскелерінде сексеуіл көшеттерін кесудің барлық түріне 2028 жылғы 31 желтоқсанға дейін тыйым салынған.
Жамбыл облысының полиция департаменті
