Тәуелсіздіктің 30 жылдығына орай Жамбыл облысында майдангерге пәтер берілді. Баспана кілтін соғыс ардагеріне Сарысу ауданының әкімі Марат Сұлтанғалиев табыс етті. Аудан басшысы қанқұйлы шайқаста болған, ардагерлерімізге бүгінгі бейбіт өмір үшін алғыс білдіріп, зор денсаулық тіледі.
Қабыл Ібіжанов 1926 жылы дүниеге келген. Шилі колхозында жұмысшы болып жүрген бозбала 1944 жылы әскер қатарына алынып, Ұлы Отан соғысында Румыния, Болгария, Эстония, Архангельск қалаларын азат етуге қатысады. Оқ пен оттың ортасынан аман келгеннен соң Сарысу аудандық шикізат дайындау мекемесінде статист, тұтыну одағы мекемесінде есепші, ревизор, жұмыспен қамту мекемесінде инспектор болып еңбек еткен.
I дәрежелі Отан соғысы орденінің иегері.
-Сұрапыл күндерді жарқын болашақ алмастырды. Бейбіт заман туды.Бүгінде бозбала шақта бастан өткерген сол бір сұм соғыс көзіне еміс-еміселестейді. Ондай қан төгілген, боздақтар қыршын кеткен соғыс енді болмасын, Еліміз, ел басқарған жандар, немерелер аман болсын,-деді көзіне жас алған қарт майдангер.
Айтары көп ардагермен емен-жарқын тілдесіп, тарихқа бойлап, ақылын тыңдаған аудан басшысы өз кезегінде қашанда біздің жүрегімізде, өмірімізде алар орындары ерекше екенін айтып, бас иіп, жаңа пәтердің кілтін табыстады.
Өңірлік коммуникациялар қызметі
