2021 жылғы 26 маусымда Жамбыл облысының Полиция департаменті Есірткі қылмысына қарсы іс-қимыл басқармасы және Тараз қаласы әкімдігінің ішкі саясат бөлімінің Жастар ресурстық орталығыТараз қаласының Жеңіс саябағында Әмір және Д жауапкершілігі шектеулі серіктестігінің демеушілігімен«Халықаралық нашақорлыққа қарсы күрес күніне» орай іс-шара өткізді.
Акцияның мақсаты жасөспірімдер мен жастар арасында салауатты өмір салтын насихаттау және нашақорлықтың алдын алу, нашақорлыққа қарсы күрес шараларын күшейту болып табылады. Салауатты өмір салтын насихаттауға қатысқаны үшін есірткіге қарсы күрес іс-шарасы барысында белсенді қатысушыларға Жамбыл облысы Полиция департаментінің бастығы полиция генерал-майоры Жанат Қуанышұлы Сүлейменовтің алғыс хаты табыс етілді.
Акция барысында қатысушылар арасында викторина өткізіліп, жеңімпаздарға сыйлықтар берілді. Сондай-ақ концерттік бағдарлама ұйымдастырылды. Сонымен қатар Жамбыл облысының ПД Жылдам қимылдайтын арнайы жасағы мен Кинологиялық қызметінің көрнекі көрсетілімдері көрсетілді. Бағдарлама соңында заңсыз айналымнан алынған есірткі құралдарын жоюға қатысты шара өткізілді. Барлық қатысушыларға балмұздақ таратылды.