Бекітілген кестеге сәйкес үстіміздегі жылдың 27 маусымында Өңірлік коммуникациялар қызметінде Жамбыл облысы Қазақстан халқы ассамблеясы хатшылығының меңгерушісі Маржан Төреғұлқызы Қожаеваның қатысуымен брифинг өткізілді.
Маржан Төреғұлқызының айтуынша, 2018 жылы «Президенттің бес әлеуметтік бастамасы» атты халыққа арналған Үндеуі жарияланып, жұмысқа жаңа серпің берді.
Биылғы жылы Отанымыздың жүрегі, Тәуелсіздігіміздің тірегі – Астана қаласының 20 жылдығын атап өтеміз. Еліміздің әл-ауқаты жақсарып, халық саны көбейіп жатқандығы бізді қуантады.
Этносаралық келісімді, бірегейлік пен бірлікті нығайту бойынша жоспарлы жұмыстар жүргізілуде.
Облыста 26 этномәдени бірлестік жұмыс атқаруда. Облыстық Қазақстан халқы ассамблеясының құрамы әртүрлі этностардан құралған Жамбыл облысында этносаралық қатынастар мен қоғамдық келісімді нығайту бойынша 2018 жылы өткізілетін негізгі іс-шаралардың кешенді жоспарын жүзеге асыруға 67 млн. теңге қаражат қарастырылды.
Облыстық этномәдени бірлестіктердің ұйымдастыруымен 2018 жылдың 1 жартыжылдығында 300 ден астам іс-шара өткізілді.
Соның ішінде, 1 наурыз — Алғыс айту күні, 22 наурыз – Ұлыстың ұлы күні, 1 мамыр Бірлік күні, 31 мамырда саяси қуғын-сүргін және ашаршылық құрбандарын еске алу күні жыл сайын дәстүрлі жалғасып келеді. Ағымдағы жылы поляк, еврей этностарының күндері атап өтілді. 30 маусымда неміс этномәдени бірлестігі атап өтетін болады.
Жобалық офиске 2 жоба ұсынылды, атап айтқанда:
Бірінші жоба — «Ұлы дала қазынасы»
Аймақта тарихи-мәдени орталықтарын елді мекенде құру, оларды қажетті әдістемелік жабықтармен қамтамасыз ету. Өңірде тұратын этностардың дәстүрлері мен құндылықтары бойынша шеберлер және халық өнері дәстүрлері туралы деректі фильм және 40 бейнеролик жасау.
Екінші жоба — «Жамбыл облысы этностарының дәстүрлері мен мәдениеті» энциклопедиясын шығару және энциклопедия негізінде интерактивті карта құру
Жобаны жүзеге асыру «Жамбыл облысының этникалық топтарының дәстүрлері мен мәдениеті» атты энциклопедиясын 600 дана көлемінде шығару және энциклопедия негізінде интерактивті карта құру.
2018 жылдың қаңтар айынан осы уақытқа дейін БАҚ-та 602 материал жарық көрді, оның ішінде газет басылымдарында -332, ҚХА сайтында -270, облыстық және республикалық телеарналарда 90 сюжет көрсетілді.
.Облыстық ҚХА Ғылыми зерттеу орталығының ұйымдастыруымен 30 іс-шара өткізіліп, оған 2000 адам қатысты.
Жалпы зерттеу нәтижелері бойынша облыстағы саяси ахуал тұрақты, басқа этнос өкілдеріне деген қарым-қатынас төзімді және оң бағаланады.
«Жаңа гуманитарлық білім. «Мемлекеттік тілдегі 100 жаңа оқулықтар» жобасы аясында білімгерлер арасында қазақ тіліндегі 100 жаңа оқулықты талқылау бойынша іс-шаралар және Жамбыл облысы Қазақстан халқы ассамблеясының және ғылыми-сараптамалық топтың біріңғай күндері өткізілді. Іс-шараға 200 ден астам адам қамтылды
Облыста өзекті шеілмей отырған және этносаяси, этноәлеуметтік проблемалар жоқ.
Қазақстан Республикасы Президентінің 2018 жылғы 28 сәуірдегі Қазақстан халқы Ассамблеясының ХХVІ сессиясында берген тапсырмалары бойынша іс-шара жоспары әзірленіп, жұмыстар жүргізілуде. Оның ішінде Қазақстан халқы Ассамблеясының «Жаңғыру жолы» Республикалық жастар қозғалысының аясында «Ұлы Дала Елі қасиетті мұра» акциясы өткізу, «Қазақтану» жобасын жүзеге асыру және т.б. Сондай-ақ 2018 жылы 1 шілдеде Қазақстан халқы Ассамблеясы Ұлттық Домбра күніне орай «Бабалардың көзіндей қасиетті Домбра» атты акциясын өткізу жоспарлануда.
Қазақстан халқы ассамблея жанындағы қоғамдық келісім кеңесі тарапынан 2018 жылдың 1 жартыжылдығында 309 негізгі іс-шаралар өткізді.
Қазақстан халқы ассамблея жанындағы Аналар кеңесі тарапынан Байзак ауданында көшпелі отырыс өткізді. Мұнда Жуалы, Жамбыл, Т.Рысқұлов аудандарының кеңес төрағалары мен мүшелері қатысты,-деп спикер сөзін аяқтады.
