Күн сайын көлік құралдарының саны көбейіп, жолдардағы қозғалыс қарқындылығы артып келеді. Сондықтан ЖКО салдарынан адамдардың қаза табу немесе жарақаттану деректерінің алдын алу ең өзекті мәселелердің бірі болып қала береді.
Басқарма, аудандық полиция бөлімдері басшыларының қатысуымен жол қауіпсіздігін қамтамасыз ету мәселелері бойынша кеңес өткіздік. Патрульдеу кестелері мен бағыттары қайта қаралып, жолаушыларды заңсыз тасымалдаумен айналысатын автобустар мен таксилерді анықтау бойынша жұмыстар күшейтіледі, олардың техникалық жай-күйін тексеру ұйымдастырылатын болады.
Жергілікті атқарушы органдардың өкілдерімен бірге полиция қызметкерлері жол қозғалысы ережелерін бұзуды тіркейтін бағдарламалық кешендердің мүмкіндіктерін зерделеуде.
Егер жүргізушілер жол тәртібін қатаң сақтаса, бұл шаралардың барлығы тиімді болады.
Белгіленбеген орындарда жолды кесіп өтуге тырысатын жаяу жүргіншілер де ережелерді өрескел бұзуды жалғастыруда. Жолдағы тәртіп әрбір жүргізуші мен жаяу жүргіншінің қырағылығы мен сақтығына байланысты.