2016 жылдың 12 айында бірінші сатыдағы соттармен 31 886 азаматтық іс өндірісі аяқталып, оның ішінде 16 490 іс шешім шығару қаралып, апелляциялық тәртіппен 25 шешім (0,1%) бұзылып, 110 шешім (0,7%) өзгертілген. Бұл туралы Өңірлік коммуникациялар қызметінде өткен брифинг барысында Жамбыл облыстық сотының азаматтық істер жөніндегі сот алқасының төрағасы Жомарт Рүстембеков мәлімдеді.
Жомарт Қауасұлының сөзіне сүйенсек, 2016 жылы облыс соттарына 33 224 талап арыз түсіп, оның 991(3,0%) қайтарылған, 261 (0,8%) талап арыз қабылдаудан бас тартылған, 31 869 талап арыз сот өндірісіне қабылданып, есептік кезеңнің аяғында 103 іс қалдықта қалған.
2016 жылы 10 сырттай шешім шығарылған, бұл барлық шешімдердің 0,06 % құрайды (Тараз қалалық сотында 6 шешім, МАЭС-2 шешім, Ювеналдық соты 1 шешім, Қордай аудандық сотында 1 шешім). Тараз қалалық соты мен сырттай шығарылған бір шешім бұзылған.
2016 жылы 1 466 талап арыз қараусыз қалдырылып, ол жалпы аяқталған істердің 4,6 %-ын құраған.
2016 жылы 11 635 сот бұйрығы шығарылып, бұл іс өндірісі мен аяқталған 32 082 азаматтық істің 36,5 %, шешім шығару мен қаралған 16 490 азаматтық істің 71 % құраған.
2016 жылы оңайлатылған іс жүргізу тәртібімен облыс соттарымен 6 711 іс қаралып, (ол барлық аякталған істердің ішінен 21,05% ) оның ішінде шешім шығарумен 6 437 іс қаралып, барлық шешімдердің 39,03 % құраған.
Азаматты хабар-ошарсыз деп немесе қайтыс болды деп тану туралы 56 іс қаралып, оның ішінде 40 талап арыз қанағат тандырылған.
2016 жылы 1 081 азаматтық іс медиация тәртібімен қысқартылып, ол іс өндірісімен аяқталған 31 886 азаматтық істің 3,4 % құраған. 204 азаматтық іс (0,6%) тараптардың бітім келісіміне келулеріне байланысты қысқартылған. 13 азаматтық іс (0,04%) дауды партисипативтік рәсімдер тәртібімен реттеу туралы келісім жасалуына байланысты қысқартылған.
Жалпы облыс бойынша татуласу рәсімдері қолданыла отырып 1 298 азаматтық іс қаралынған, бұл іс өндірісі мен аяқталған 31 886 істің 4,1% құрап отыр. Бұл көрсеткіш 2015 жылы 2,6% болған.
2016 жылы жаңадан ашылған немесе жаңа мән-жайлар бойынша сот актілерін қарау туралы 118 арыз түсіп, 22 шешім жаңадан ашылған мән-жайлар бойынша бұзылған, — деп баяндады Ж.Рүстембеков.
