Бүгінгі таңда облыстағы жастар саны — 255 240 (жалпы облыс халқының — 22,4%). Жастардың 95 115-і (37,3%) қалада, 160 125-і (62,7%) ауылдық елді мекенде тұрады. 2021 жылы облыста жастар саясатын жүзеге асыруға тиісті мүдделі органдармен 767,2 млн теңге (2020 жылы — 799,4 млн тг) қаржы қаралды. Мемлекеттік әлеуметтік тапсырыс шеңберінде мемлекеттік жастар саясатын жүзеге асыруға жергілікті бюджеттен бөлінген 63,7 млн теңгеге 33 әлеуметтік маңызы бар жобалар қаржыландырылды.
Волонтерлық қызметті дамыту мақсатында облыста жыл басынан бері кешенді жұмыстар жүргізіліп келеді. Көптеген жобалар қолға алынып, біршама ауқымды шаралар өткізілуде. Облыс аумағында волонтерлік қызметпен құрамында 8 мыңнан астам волонтері бар 30 ұйым айналыcады. Облыста «Қамқор» әлеуметтік қайырымдылық дүкендері іске қосылып, бүгінде 15 дүкен жұмыс жасап келеді.
Жыл аясында волонтерлік жұмысты жандандыру мақсатында облыс бойынша 7 бағытты қамтыған 1 250 іс-шара өткізіліп, оған 39 113 адам қамтылған («Қамқор» бағыты бойынша барлығы 6 166 адамды қамтыған 410 іс-шара, «Білім» бағыты бойынша барлығы 3 363 адамды қамтыған 161 іс-шара, «Асыл мұра» бағыты бойынша барлығы 1 838 адамды қамтыған 115 іс-шара, «Саулық» бағыты бойынша барлығы 21 122 адамды қамтыған 312 іс-шара, «Сабақтастық» бағыты бойынша барлығы 1 877 адамды қамтыған 123 іс-шара, «Үміт» бағыты бойынша 4 024 адамды қамтыған 115 іс-шара және өзге де бағыттар аясында 723 адамды қамтыған 14 іс-шара өткізілген)
Өңірде мемлекеттік жастар саясатын облыс әкімдігі жанындағы жастар саясаты мәселелері басқармасы мен Тараз қалалық және аудандық жастар ресурстық орталықтары іске асыруда. Облыстағы 12 (1 облыстық, 1 қалалық және 10 аудандық) «Жастар ресурстық орталықтарында» жалпы саны 335 (облыс-16, қала-25, аудан-294) маман қызмет атқарады. Олардың тарапынан жыл басынан бері қала және аудандарда Ресурстық орталықтарының бекітілген іс-шаралар жоспарына сәйкес 4 225 (қала-316, аудан-11 035) іс-шара өткізіліп, оған 106 795 жас қамтылған («Рухани-адамгершілік» бағыты аясында барлығы 15 655 адамды қамтыған 695 іс-шара, «Әскери-патриоттық» бағыты аясында барлығы 5 984 адамды қамтыған 252 іс-шара, «Спорттық» бағыт бойынша барлығы 10 884 адамды қамтыған 341 іс-шара, «Мәдени-шығармашылық» бағыты аясында барлығы 15 786 адамды қамтыған 515 іс-шара, «Құқықтық» бағыты аясында барлығы 9 376 адамды қамтыған 420 іс-шара, «Дін» бағыты аясында барлығы 8 399 адамды қамтыған 344 іс-шара, «Психологиялық-танымдық» бағыты аясында барлығы 10 035 адамды қамтыған 386 іс-шара, «Жастарға кеңес беру» бағыты аясында барлығы 12 753 адамды қамтыған 479 іс-шара, «Экологиялық мәдениет» бағыты аясында барлығы 7 970 адамды қамтыған 382 іс-шара, «Этносаралық келісім» бағыты аясында 3 936 адамды қамтыған 198 іс-шара, «Сыбайлас жемқорлықтың алдын алу» бағыты аясында барлығы 6 117 адамды қамтыған 213 іс-шара өткізілген). Одан бөлек, Қазақстан Республикасы Тәуелсіздігінің 30 жылдығына орай Жамбыл облысының жастары арасында өткізілетін ауқымды іс-шаралар жоспары әзірленіп, жалпы саны 128 шара белгіленген.
Халықтың тұрмыс жағдайын жақсарту, қайырымдылық іс-шараларды ұйымдастыру бағытындағы «30 игі жобасы» аясында «Тегін такси», «Рақмет сізге», «Менің бастамам» сияқты жобалар іске асырылып келеді. Одан бөлек, «Қоғамдық лекция» жобасы арқылы өңірімізге белгілі, айтары бар азаматтар, басқарма басшылары мен үкіметтік емес жастар ұйымдарының өкілдері дәрістерін оқуда.
Материал Жамбыл облысы әкімдігінің ішкі саясат басқармасының тапсырысы бойынша дайындалды
