Ағымдағы жылдың 1-ші жарты жылдығында облыс прокуратурасы бұқаралық ақпарат құралдарында (бұдан әрі — БАҚ) 55, оның ішінде баспаларда – 24, радиода – 20, ақпараттық агенттіктерде – 2 және теледидар арқылы – 9 жариялымдар шығарған. Бұл туралы Turaninfo.kz ақпарттық агенттігі хабарлайды.
Аталған жариялымдар облыс прокуратурасының «gov.kz» мемлекеттік органдардың интернет-ресурстарының бірыңғай платформасындағы ресми парақшасында, «prokuratura_jambyl» мекенжайы бойынша «Instagram» және «Жамбыл облысының прокуратурасы» мекенжайы бойынша «Facebook» желілерінде халықпен бөлісіп, сондай-ақ, жергілікті және республикалық БАҚ өкілдерімен жариялаған.
Сонымен қатар, «77 TV» телеарнасы арқылы апта сайынғы «Елге қызмет» бағдарламасы іске қосылып, өз жұмысын жүргізген.
Бұл ретте, облыс прокуратурасының ақпараттық-имидждік саясаты Бас прокуратурамен айқындалған талаптарға сәйкес жүзеге асырылуда.
Әділет Жатқанбай
