Байғараев Бақытжан Төлеуұлы, 1973 жылы 5 қазанда Жамбыл облысы, Шу ауданында дүниеге келген. Агротехникалық университетті есеп және аудит мамандығы бойынша бітірген. Еңбек жолын «Қаратау» АҚ-ның «Тас өңдеу кәсіпорны» машинист көмекшісі, машинисті ретінде бастаған. 1997 жылы — Сарысу ауданының білім саласында есепші. 2002 жылы — Сарысу ауданы әкімдігінің денсаулық сақтау басқармасының бас маманы, орталықтандырылған есеп бөлімінің басшысы, Сарысу аудандық аумақтық емханасының есепшісі. 2006 жылы — Жамбыл облысы әкімдігінің денсаулық сақтау басқармасының жетекші маманы, бас маманы, бөлім басшысы. 2016 жылдан бастап, Жамбыл облысы әкімі аппаратының ішкі аудит қызметіндегі облыс әкімінің бас инспекторы-мемлекеттік аудиторы қызметін атқарған. «Нұр Отан» партиясының мүшесі.
