Жұмысшы мамандықтар жылы аясында атқарылатын жұмыстар тақырыбында өткен жиында басқарма басшысының міндетін атқарушы кешенді іс-шаралар жоспары туралы баяндады.
“Біз жұмысшы мамандықтарының беделін көтеру, жастардың осы салаға қызығушылығын арттыру және кәсіби бағдар беру жүйесін жетілдіру мақсатында 6 бағыттан тұратын 123 іс-шараны іске асырудамыз. Өңірде 42 колледжде 28219 студент 104 мамандық бойынша білім алып жатса, 28 колледжде 49 жұмысшы мамандықтары бойынша 12306 студент білім алып, болашақ жұмысшы кадрларды даярлаудамыз”, — деді Лаззат Абильдақызы.
Сондай-ақ, баспасөз конференциясы барысында әәсіптік бағдар беру жүйесін жетілдіру шеңберінде 35 іс-шара енгізіліп, «Жаңа кәсіптер Атласы» жобасы арқылы өңірдің агроөнеркәсіп, өнеркәсіп, баламалы энергетика, туризм және көлік-логистика салалары бойынша 68 жаңа мамандық анықталғандығы және 15 000 оқушыға мамандық таңдау диагностикасы жүргізіліп, 6000 оқушы 27 ірі кәсіпорынға экскурсия ұйымдастырылатындығы айтылды.
Лаззат Абильдақызы баяндамасында жұмысшы кадрларды даярлау жүйесін жетілдіру мақсатында колледждерде материалдық-техникалық жаңартулар жүргізіліп, 2025 жылы 120 орындық, 2026 жылы 100 орындық жатақхана салу жоспарланғандығын, сонымен қатар, «1С» сертификаттау орталығы, «Автомобиль құрастыру» және «Гидротехникалық құрылыс» мамандықтары енгізіліп, 6 салалық hub-кешен – дәнекерлеу полигоны, Agro hub, Автотехнопарк, AUTO SKILLS, IT hub және химия саласындағы құзыреттілік орталығы ашылатындығын жеткізді.
Түлектерді жұмысқа орналастыру үшін 113 бос жұмыс орындар жәрмеңкесі, 1315 адамды қысқа мерзімді оқыту, 500 орын мақсатты тапсырысқа қабылдау және 3500 жұмысшы мамандықтарына кадр даярлау шаралары жүргізілетіндігі де айтылды.
«Жұмысшы мамандықтарының имиджін арттыру мақсатында халықаралық, республикалық және облыстық деңгейде Agroskills, Jas Skills, MedikalSoftSkills, Junior, WorldSkills, DeafSkills, MamandykFest сынды 53 және салалық 14 кәсіби мерекелер өткізіледі»,-деді басқарма басшысының міндетін атқарушы.
Баяндама соңында Кзылкулова Лаззат Абильдақызы 2025 жылы атқарылатын кешенді іс-шаралар — жұмысшы мамандықтарының беделін көтеріп, осы салада сапалы мамандар даярлауға мүмкіндік беретіндігін айтты.
ӨКҚ баспасөз қызметі
