ОБЛЫСТА «ҚЫЗЫЛ АЙ ҚОҒАМЫ» ЖАМБЫЛ ОБЛЫСТЫҚ ФИЛИАЛЫ» ҚОҒАМДЫҚ БІРЛЕСТІГІ БАР.
Бірлестік басшысы- Қырғызбаева Сандуғаш Дастанқызы.
«ҚЫЗЫЛ АЙ ҚОҒАМЫ» адамдардың өмір сүруін жеңілдету және ұлттық, нәсілдік, жыныстық нышандары, діни, саяси нанымдары, тілі, таптық жаратылысы бойынша кемсітсусіз, адамның абыройына құрмет атмосферасын құруды мақсат етіп көздеді.
85 жылдық тарихында «Қызыл Ай» қоғамда жақсы, игі істерді көп қолға алды. Қазақстан Республикасының азаматтарының және мемлекет аумағында болған шетел азаматтарының эвакуацияда, концлагерьлерде немесе арнайы қоныста болғанын растайтын мәліметтерді іздестіріп, сондай-ақ қарулы қақтығыстардың, көшіпқонудың, табиғи нәубеттердің және басқа төтенше жағдаяттардың салдарынан бір бірінен көз жазып қалған жақын туыстармен отбасылық байланыстарды қалпына келтіру жұмыстарын жасады. Халықаралық Қозғалыстың Негіз қалаушы Принциптеріне, Қоғамның жарғылық міндеттеріне және дамуына сай келетін және адамдардың денсаулығын қорғауға, аурулардың профилактикасына бағытталған мемлекеттік бағдарламаларға, акциялар мен ісшараларға қатысады. Алғашқы жәрдем көрсету ережелеріне және шұғыл жағдаяттардағы тәртіп машықтарына үйрету бағдарламаларын жүзеге асырып келеді. Әлеуметтік осал топтарды қорғау мақсатында зейнеткерлерге, мүгедектерге, Ұлы Отан соғысы және еңбек ардагерлеріне, ауған және чернобыль ардагерлеріне, әлеуметтік жағдайы төмен отбасыларға, көп балалы аналарға (20 000 мыңнан астам адамға) азық-түлік, киімкешек және тағы да басқа көмек түрінде 35 миллион теңгеден астам қаржыға көмек көрсетілді. Ұйым тарапынан балалар үйінің тәрбиеленушілеріне, ақыл-ой дамуы кенжелеп қалған интернат-үйлердегі балаларға ерекше көңіл бөлінеді. Олар үшін жыл сайын түрлі қайырымдылық шаралар ұйымдастырылып, киімдер, кеңсе заттары, ойыншықтар түрінде, тәтті сыйлықтар, бір сөзбен айтқанда балаларға қажетті заттармен көмек көрсетіледі
