2026 жылғы 19 қазаннан бастап Әжібаев Айбек Итқараұлы «Әділет» партиясы Жамбыл облыстық филиалының идеологиялық жұмыс қызметінің басшысы лауазымына тағайындалды, деп хабарлайды TURANINFO.KZ ақпарат агенттігі.
Әжібаев Айбек Итқараұлы 1986 жылы дүниеге келген.
2009 жылы Қ.А. Ясауи атындағы Халықаралық қазақ-түрік университетін «Шетел тілдері: ағылшын және түрік тілдері» мамандығы бойынша, 2012 жылы Тараз инновациялық-гуманитарлық университетін «Құқықтану» мамандығы бойынша тәмамдаған.
Еңбек жолы
Еңбек жолын 2009 жылы «Жамбыл облысы білімгерлер және жастар одағы» жастар қоғамдық бірлестігінің төрағасы қызметінен бастаған.
2009–2010 жылдары аталған қоғамдық бірлестікті басқарған.
2011–2013 жылдары «Жамбыл облысы студенттік құрылыс және жастар еңбек жасақтарының штабы» жастар қоғамдық бірлестігінің төрағасы қызметін атқарған.
2014–2016 жылдары Жамбыл облысы әкімдігінің ішкі саясат басқармасына қарасты «Ақпарат және талдау орталығы» коммуналдық мемлекеттік мекемесінің басшысы болған.
2016–2017 жылдары Жамбыл облысы әкімдігінің ішкі саясат басқармасының «Өңірлік коммуникациялар қызметі» коммуналдық мемлекеттік мекемесін басқарған.
2017–2019 жылдары Жамбыл облысы әкімдігінің ішкі саясат басқармасының талдау және мониторинг бөлімінің басшысы қызметін атқарған.
2019 жылы Жамбыл облысы әкімі аппаратының әлеуметтік-саяси мониторинг бөлімінде бас маман болып жұмыс істеген.
2019–2025 жылдары Қазақстан Республикасы Сыбайлас жемқорлыққа қарсы іс-қимыл агенттігінің Жамбыл облысы бойынша департаментінде бас маман қызметін атқарған.
2025–2026 жылдары Қазақстан Республикасы Мемлекеттік қызмет істері агенттігінің Жамбыл облысы бойынша департаментінде бас маман болып еңбек еткен.
2026 жылдың қаңтар-қазан айлары аралығында Байзақ ауданы әкімдігінің ішкі саясат бөлімінің басшысы қызметін атқарған.
2026 жылғы 19 қазаннан бастап «Әділет» партиясы Жамбыл облыстық филиалының идеологиялық жұмыс қызметінің басшысы лауазымына тағайындалды.
Айбек Әжібаевтың еңбек жолы жастар саясаты, қоғамдық коммуникациялар, мемлекеттік басқару, сыбайлас жемқорлыққа қарсы іс-қимыл және мемлекеттік қызмет салаларын қамтиды.
TURANINFO.KZ ақпарат агенттігі
