Тараз қаласында алғаш рет «Жамбыл облысындағы үкіметтік емес секторының тиімді жұмысы» атты Study-тур өтті. Үкіметтік емес ұйымдарының көшбасшылары, мемлекеттік органдар, бұқаралық ақпарат өкілдері қатысты.
Study-турда «Шебер шаңырақ» қоғамдық бірлестігінің жұмысын Анар Бексұлтан, «Амазонка» қатерлі ісік науқастарын қолдау қоры» қоғамдық қорының жұмысымен Анжелика Сарьян, «Жамбыл облысы іскер әйелдерінің қауымдастығы» қоғамдық бірлестігінің жұмысымен Меруерт Лештаев таныстырды.
Арнайы Study-турда коммерциялық емес ұйым өкілдерімен бірге Жамбыл облысы әкімінің орынбасары Еркін Үйсімбаев аралап, «ҮЕҰ мен мемлекеттік билік органдарының өзара іс-қимылын күшейту: мемлекеттік саясаттың тиімділігін арттырудың кепілі» атты еркін форматта кездесуге қатысты. Кездесуде «Жамбыл облысының КЕҰ Ассоциациясы» заңды тұлғалардың бірлестігі президенті Айнұр Заурбекова, Халықаралық ядролық қаруға қарсы «Невада-Семей» қозғалысының Жамбыл облыстық филиалының төрайымы Раиса Рысқұлбекова, «Қызыл ай» қоғамдық бірлестігінің төрайымы Оразкүл Тастемірова, «ЖАҢАРУ» сыбайлас жемқорлыққа қарсы жалпыұлттық қозғалыс» РҚБ Жамбыл облысы филиалының басшысы Қасымхан Төлендиев пікірлерін ортаға салды.
Study-тур Жамбыл облысы әкімдігінің ішкі саясат басқармасы, «Жамбыл облысының КЕҰ Ассоциациясы» заңды тұлғалардың бірлестігі мен «Жамбыл облысы Азаматтық Альянсы» ЗТБ ұйымдастырды.
Жалпы, облыста бүгінгі таңда 800-ден астам коммерциялық емес ұйымдар тіркелген, олардың 200-ден астамы белсенді қызмет етуде. Үкіметтік емес ұйымдар мен биліктің өзара іс-қимылының маңызды бөлігі мемлекеттік әлеуметтік тапсырысты іске асыру болып табылады.
Ағымдағы жылы мемлекеттік әлеуметтік тапсырыс аясында 142 жобаға 1 млрд астам қаржы бөлінген.
ҮЕҰ-ның қоғамдағы рөлі мен маңызын арттыратын құралдардың бірі мүмкіндігі шектеулі жандарға әлеуметтік қолдау көрсету жобалары. Қаржы көлемінің 85,5%-ы немесе 992,4 млн теңгесі (65 жоба) мүмкіндігі шектеулі адамдардың мәселелеріне бағытталған.
Жалпы, өткен жылдар ішінде мемлекеттік органдар мен үкіметтік емес ұйымдардың ынтымақтастығы жүйелі сипатқа ие болып үлгерді.
Қазіргі таңда қоғам үкіметтік емес ұйымдарға мемлекеттің тең серіктесі ретінде қарайды.
TURANINFO.KZ
