Сыбайлас жемқорлықтың алғышарттарын жою жұмыстарын ауқымды жүргізілгенімен де, оның салдарымен күрес бағытына да тоқтам қойылған емес. Агенттікпен жедел-тергеу қызметінің басымдықтары белгіленіп, жүйелі сыбайлас жемқорлықтың, ауыр және аса ауыр сыбайлас жемқорлық қылмыстардың жолын кесуді, мемлекетке келтірілген залалдың уақытылы және толық өтелуіне бағытталған. 2021 жылдың 6 айында Департаментпен 42 қылмыс тіркелген. Оның ішінде, сыбайлас жемқорлық деректерінің жүйелі түрі бойынша – 4, кіші және орта бизнес субъектілерінің жұмысына заңсыз араласу бағытында – 2 мемлекеттік бағдарламаларды сүйемелдеу барысында қаражаттарды ұрлау деректері бойынша – 6 негізгі қылмыс тіркелген. Бұдан басқа, Департаментпен мемлекеттік органдардың және квазимемлекеттік сектор басшылары тарапынан жасалынған сыбайлас жемқорлық қылмыстарын анықтау бойынша бірқатар жұмыстар атқарылуда. Атап айтқанда, облыс деңгейіндегі басшыларға қатысты – 2 жағдай, қала, аудан деңгейіндегі басшыларға қатысты – 2 жағдай тіркелген. Есептік кезеңде 16 негізгі іс сотқа жолданған. Жасалынған заңсыз іс-әрекеттер үшін 26 тұлға қылмыстық жауаптылыққа тартылған.
Тіркелген қылмыстық істер бойынша 116,7 млн. теңге көлемінде залал келтірілді, оның 96 млн. теңгесі өндірілген және 7,2 млн. теңгеге мүлікке тиым салынды. Жоғары көрсетілген жалпы қылмыстың, оның түрлерінің және оларды жасаған тұлғалардың азаю дерегі, Агенттіктің соңғы кезде жүргізіп жатқан саясатының негізінде деп түсінеміз. Сонда да әлі облыстағы бірқатар мемлекеттік органдар жемқорлықты алдын алудағы жұмыстарға белсенді қатыспай келетіндігін атап өткен жөн. Егер құқықбұзушылықтардың түрлеріне тоқталатын болсақ, мысалы: білім саласында ол, бюджеттік қаражатты жымқыру, ауыл шаруашылығы саласында субсидия бөлу, денсаулық сақтау саласында жымқыру, үстемақыларды заңсыз алу, әлеуметтік салада мүгедектік тағайындау барысындағы бұзушылық, жұмысқа орналастыру, тұрғын үй коммуналдық шаруашылығы саласында, атқарылмаған жұмыстары қабылдау және т.б. Сондай-ақ, аталған барлық салаға тән сыбайлас жемқорлық тәуекелі ол мемлекеттік сатып алу кезіндегі құқықбұзушылықтар болып табылады. Аталған жағдайлар сол салалардағы мекеме басшылары сыбайлас жемқорлықты алдын алу шараларына жете мән бермей, олардың ұйымдастырылған шараларына формальды қағаз жүзінде қалып отыруынан туындауда. Бүгінгі таңда Жамбыл облысы көлемінде Агенттіктің CALL – орталығының «1424» нөмірі бейнеленген 165 баннер шығарылып, 90 000 мыңнан астам арнайы жадынамалар таратылған. Сонымен қатар, 12 бейнеролик түсірілімі ұйымдастырылып, одан бөлек «Адалдық сағаты» аясында «Шерхан Мұртазаның мұрасы – адалдықтың жебесіндей» тақырыбында бейнедәріс түсіріліп, жергілікті «Jambyl tv» телеарнасы арқылы көрсетілімі ұйымдастырылып келеді.
Материал Жамбыл облысы әкімдігінің ішкі саясат басқармасының тапсырысы бойынша дайындалды
