Редакцияға Қордай ауданы Степной ауылының тұрғындары хабарласып, ауылдағы жарық пен жол мәселесін айтып жеткізулерін сұрады.
Степной аулының тұрғыны Омаров Медет жарық пен жол мәселесін көтерді. Жарық жиі өшіп қалады, бағаналарды өзіміз жамап жамап қоямыз. Жаңа бағаналарды қойды бірақ орналасулары дұрыс емес. Әсіресе, Шу көшесінде бір жақ үйлерінде бағаналар орналасқан, екінші жағында бағаналар тұрғызылып, қайта алынып басқа жерлерге қойылды. Ербол Қарашөкеевке жазғымыз келіп отыр, осы туралы бұл жағдай қашан жөнделеді, неше жыл болды айтып жатқанымызға, жол мәселесі свет мәселесі, ана жер жатыр ашылып, шашып шашып кетеді.
Степной ауылының әкімі Абай Кенжебаев жарықтың ескі бағаналарынан жаңа бағанаға ауыспай себебін белсенді топтың қарсылығы деді. Шу мен Аспетов көшелерінің жарығы беріліп қойылған. Тексеру комиссиясы тексерді. Бәрі дұрыс деп жазып берді.
Бірақ әкім мен әкімдік қызметкерлері тексеру комиссиясының анықтамасын көрсете алмады.
Әкім Абай Мұхитұлы «Степной ауылының ішкі көшелеріне жөндеу жұмыстарын жүргізу, атап айтқанда Кириллов, Жасұлан, поляков, Байшешек және Қазына көшелеріне 101 230 767 теңгеге жобалық-сметалық құжаттама жасалып, ведомоствалық экспертизадан өтті. Аудандық бюджеттен жолдарға орташа жөндеу жұмыстарын жүргізу үшін қаражат қарастыру үшін 2024 жылдың 27 ақпанында аудан әкімдігінің эканомика және бюджетті жоспарлау бөліміне №04-78 хат жолданып, жол жөндеу жұмыстарына 36 102 млн теңге қаражат бөлінді, ағымды жылдың 27 мамырда ашық конкурс жарияланды» деп ақпарат берді.
Бірақ ауылдың жолдарымен жүріп көңіліміз толмады.
Ауыл тұрғындары айтылған мәселемізге ауыл әкімін кінәлап айтпаса да, мәселелерін шешілуін сұрады. Жәй тыңдап ғана кете бермей мәселе шешілгенін қалайды. Ауылда өзгеріс болып жатса игі.
