2023 жылдың 21 қаңтарында Шу АПБ-не осы ауданның 28 жастағы тұрғыны белгісіз тұлғаның құлпын бұзу арқылы пәтеріне заңсыз кіріп, «LG» теледидарын, күртеше, әшекейлер, алтын және күміс сақиналарын жасырын ұрлап кеткендігі туралы арызданды. Келтірілген жалпы шығын көлемі 412 000 теңгені құрайды.
Аудандық полиция қызметкерлерімен жүргізілген жедел-іздестіру шараларының нәтижесінде осы қылмысқа қатысы бар, бұрын сотты болған Шу ауданының 50 жастағы тұрғыны анықталып, ұсталды.
Күдікті кінәсын толық мойындап, уақытша ұстау абақтысына қамаққа алынды. Айғақ заттар тәркіленді.
Қазіргі уақытта аталған дерекке қатысты ҚР ҚК-нің 188-бабы 3-бөлігімен (тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) сотқа дейінгі тергеу амалдары жүргізілуде. Осы бапқа сәйкес, мүлкi тәркiленіп, екі жылдан жетi жылға дейiнгi мерзiмге бас бостандығын шектеуге, не сол мерзімге бас бостандығынан айыру жазасы көзделген.
