Сарысу ауданының полиция қызметкерлері Түркістан облысының 48 жастағы тұрғыны Сарысу ауданының азаматшаның ұлын тест тапсыртып, кейіннен жоғары оқу орнына түсуге көмектесемін деп 500 000 теңге иемденіп кеткен туралы хабарлайды TURANINFO.KZ ақпарат агенттігі.
Жамбыл облысы полиция департаментінің баспасөз қызметінің хабарлауынша Сарысу АПБ-ның кезекші бөліміне орын алған алаяқтық дерегі бойынша жергілікті тұрғын жүгінген. Жәбірленуші әйелдің айтуы бойынша, белгілі бір әйел сеніміне кіріп, ұлын тест тапсыртып, кейіннен жоғары оқу орнына түсуге көмектесуге уәде еткен, сондай- ақ қызметіне алдау жолымен 500 000 теңге көлемінде ақшасын иеленген.
Жедел-іздестіру іс-шаралары барысында Сарысу ауданының полиция қызметкерлері Түркістан облысының 48 жастағы тұрғынын анықтап, ұстады. Күдікті кінәсін мойындады.
Осы дерекке қатысты ҚР ҚК 190-бабының 1-бөлігі «Алаяқтық»бойынша сотқа дейінгі тергеу амалдары басталды.
Жамбыл облысының Полиция департаменті азаматтарға сақ болуға және күмәнді қызметтер ұсынатын бейтаныс адамдарға сенбеуге кеңес береді. Сондай-ақ, бейтаныс адамдардың ақшалай қаржы мен мүліктеріңізді заңсыз иемденуіне жол бермеңіз, жеке мәліметтер және банк карточкаларының құпия сөздерімен бөліспеңіз. Егер сіз алаяқтық іс-әрекеттерінен зардап шегіп немесе куәгері болсаңыз, онда «102» операторы бойынша кідіртпей полиция органдарына хабарласыңыз.
Сонымен қатар, ауданда ағымдағы жылдың 9 айында аудан бойынша тіркелген қылмыс саны 137-ден 97-ға (29,2 пайызға) төмендеген. Оның ашылу деңгейі 84,8%-ды пайызды (2021 ж. — 69,9%) құрады.
Қоғамдық қауіпсіздікті сақтау мақсатында Жаңатас қаласы мен 9 ауылдық округтерде 88 дана цифрлық бейне бақылау камералары орнатылған.
Әкімдік тарапынан полиция қызметкерлері 50 планшет, 20 рация, дрон және 50 бейне регистратормен қамтамасыз етілді.
