«Байтақ» партиясының төрағасы Азаматхан Әміртаев Құрылтай сайлауының ресми қорытындыларын мойындайтынын мәлімдеп, партия Қазақстан халқының таңдауына құрметпен қарайтынын айтты.
Оның айтуынша, қазіргі уақытта азаматтардың ерік білдіруіне күмән келтіруге негіз болатын расталған деректер жоқ.
«Бүгінгі таңда қолымда азаматтардың ерік білдіруіне күмән келтіруге негіз болатын расталған деректер жоқ. «Байтақ» партиясы Қазақстан халқының таңдауына құрметпен қарайды және сайлаудың заңда белгіленген тәртіппен анықталған ресми қорытындыларына сүйенетін болады», – деді Азаматхан Әміртаев.
Сонымен қатар партия төрағасы сайлау учаскелеріне келіп, өз таңдауын жасаған барлық қазақстандықтарға алғысын білдірді.
Осылайша, «Байтақ» партиясы Құрылтай сайлауының заңнамада белгіленген тәртіппен анықталған ресми қорытындыларын мойындайтынын білдірді.
