2026 жылғы 7–13 тамыз аралығында Жамбыл облысындағы саяси партиялар филиалдарының Instagram әлеуметтік желісіндегі ресми парақшаларына мониторинг жүргізілді. Мониторинг барысында партиялардың жариялаған посттары, кандидаттардың сайлаушылармен және еңбек ұжымдарымен кездесулері, үгіт-насихат жұмыстары, партиялық іс-шаралар және сайлауалды бағдарламаларды таныстыруға қатысты материалдар қамтылды.
Мониторинг нәтижесінде 7 партияның Instagram парақшаларында жарияланған ақпарат бойынша:
«Әділет» партиясы – 108 пост, оның ішінде 23 кездесу туралы пост жарияланған. Кездесулер барысында өзекті мәселелер көтеріліп, Шу, Жуалы, Меркі, Қордай және Мойынқұм аудандарында, сондай-ақ бірқатар елді мекендерде кездесулер өткізілген. Жергілікті кәсіпкерлермен де кездесулер ұйымдастырылған. Сонымен қатар «Әділетті Қазақстан үшін» мобильді партиялық керуені Жамбыл облысында жұмыс жүргізіп, төрт жұмыс күнінде шамамен 710 шақырым жол жүріп, 7 кездесу өткізген. Кездесулерге 930 тұрғын қатысқан. Керуен аясында Шу қаласы, Қордай, Меркі, Құлан, Көктал, Нұрлыкент және Аса елді мекендерінде сайлаушылармен ашық диалогтар өткізілген.
Respublica партиясы – 38 пост, оның ішінде 20 кездесу туралы пост жарияланған. Instagram парақшасында тұрғындармен және еңбек ұжымдарымен кездесулер, сондай-ақ үгіт-насихат жұмыстары туралы ақпараттар орналастырылған.
ЖСДП – 11 пост жарияланған. Жарияланымдар арасында Мойынқұм ауданында өткен кездесу туралы ақпарат қамтылған.
«Ауыл» партиясы – 52 пост, оның ішінде 35 кездесу туралы пост жарияланған. Парақшада партия өкілдерінің сайлаушылармен кездесулері және үгіт-насихат жұмыстары туралы материалдар орналастырылған.
Қазақстан Халық партиясы – 20 пост жарияланған. Парақшада партия өкілдерінің тұрғындармен кездесулері, еңбек ұжымдарымен жұмыстары және үгіт-насихат материалдары қамтылған.
«Ақ жол» демократиялық партиясы – 28 пост, оның ішінде 11 кездесу туралы пост жарияланған. Партия өкілдерінің тұрғындармен және еңбек ұжымдарымен кездесулері туралы ақпараттар орналастырылған. Кездесулер барысында партияның сайлауалды бағдарламасының негізгі басымдықтары таныстырылып, отандық өндірісті дамыту, өңдеуші кәсіпорындарды қолдау, салық саясатын жетілдіру, жаңа жұмыс орындарын ашу, шағын және орта бизнестің мүмкіндіктерін кеңейту мәселелеріне назар аударылған. Кездесулердің біріне партия жетекшісі Дания Еспаева қатысты.
BAYTAQ «Жасылдар» партиясы – 17 пост жарияланған. Жарияланымдарда партия өкілдерінің тұрғындармен кездесулері, үгіт-насихат жұмыстары және партияның экологиялық бағыттағы ақпараттық материалдары қамтылған.
Қысқаша көрсеткіш
|
Партия |
Жарияланған пост |
Кездесулер туралы пост |
|
«Әділет» |
108 |
23 |
|
Respublica |
38 |
20 |
|
ЖСДП |
11 |
— |
|
«Ауыл» |
52 |
35 |
|
Қазақстан Халық партиясы |
20 |
— |
|
«Ақ жол» |
28 |
11 |
|
BAYTAQ |
17 |
— |
