Бүгінде жыл басынан бері өсу барысында болған коронавирустық инфекциямен аурудың жүйелі түрде төмендеуі байқалып келеді. Бүгінгі таңда орташа апталық көрсеткіш күніне 17-ден 30-ға дейін жаңа жағдайды құрайды. Бұған эпидемияға қарсы іс- шаралардың сақталуы және жаппай вакцинацияның басталуы арқасында қол жеткізілді. Сонымен қатар, Еуропаның бірқатар елдеріндегі бұқаралық ақпарат құралдарынан, көрші Ресейдің жекелеген аймақтарынан қазір COVID-19 жағдайларының күрт өсуі, вирустың жаңа түрлерінің пайда болуы байқалады және бұл аймақтарда қосымша шектеу шаралары қайта енгізілуде. Ауру жағдайларының өсуінен басқа, аурудың ауыр түрлерінің үлесінің артуы байқалады.
Пандемияның негізгі сабағы – аурудың алдын алу. Вирусты жұқтыру оңай, көп жағдайларда ол емдеуге төзімді болса, оны емдеу күрделене түседі. Өзіңізді және жақындарыңызды инфекциядан қорғау және аймақтағы жағдайдың нашарлауына жол бермеу үшін эпидемияға қарсы барлық шараларды жауапкершілікпен орындау қажет. Бұл – бетперде кию және қоғамдық орындарда әлеуметтік қашықтықты сақтау, жеке гигиена. Қорғаудың ең тиімді әдісі – вакцинация болып қала береді. Оның нақты қарсы көрсетілімдері бар және жалпы көрсеткіш бойынша статистикада ересектер арасындағы жиілігі 2-3% — дан аспайды.Бүгінгі күні облыста вакцинациямен қамту жоспары 150415 тұрғынды (халықты қамту – 25,8%) құрады. Аймақта егу пункттері жеткілікті.
Құрметті облыс тұрғындары! Сіз қай вакцинаны салғыңыз келетінін өзіңіз таңдай аласыз. Бүгінде аймақта Қазақстан, Ресей, Қытай өндірушілерінің вакцинасы бар. Ғылыми зерттеулер келтірілген көптеген оқулықтарда қазіргі уақытта егудің тиімділігі туралы алғашқы мәліметтер пайда болды. Сонымен, вакцинацияланған адамдарда, вакцинаның түріне қарамастан, ауру 30 есе азаяды. Бұл дегеніміз, COVID-19 пациентімен байланыста болған вакцинацияланбаған адамның жұқтыру ықтималдығы — 90,0%, ал вакцинацияланғанда тек — 3,0% құрайды.
Жалпы, егілгендерде ауру және асқынулар 15 есе аз болады. Олардың коронавирустық инфекция жұқтырған жағдайда сырқаты әлдеқайда жеңіл, әрі ауыр асқынуларсыз болатыны – дәлелденген факт!
Вакцинация – бұл әр адам үшін және жалпы қоғам үшін қорғаныс. Кез-келген уақытта емханалар мен жылжымалы мобильді пункттерде вакцинациядан өтуге болады. Облыстың барлық тұрғындарын өз денсаулығына, жақындары мен достарына қамқорлық жасауға шақырамын. Біз сізге вакцинацияның барлық процестері барысында жан-жақты көмектесуге және қажет болса, бірге еріп жүруге дайынбыз. Өз таңдауыңызды өзіңіздің, туыстарыңыздың пайдасына жасаңыз. Бұл – қоғам үшін де маңызды. Вакцинация алыңыз! Өзіңізді қорғаңыз!
А. Қалиев
Жамбыл облысы әкімдігінің денсаулық сақтау басқармасының басшысы