Жамбыл облысы Полиция департаментінің қызметкерлері күн сайын қаңтар оқиғалары кезінде ұрланған қару-жарақ пен оқ-дәрілерді іздеуге қатысты үздіксіз жұмыстар жүргізуде. Мәселен, кезекші тәулікте қару жасырылған 3 ірі орын анықталды.
«Тектұрмас» этнотарихи кешенінің аумағында жедел ақпаратты іске асыру барысында ПД ҰҚҚІҚБ және ЕҚҚІБ қызметкерлері ашық алаңнан қару-жарақ пен оқ-дәрілер салынған полипропилен қапшықтарды тапты.
Қапшықтардан қаңтар оқиғалары кезінде ПД ғимаратынан ұрланған 9 мм калибрлі пулемет- тапанша, 20 мм калибрлі «ТОЗ-120» маркалы бір ұңғылы тегіс оқпанды аңшы мылтығы, «ТОЗ-63» маркалы 16 калибрлі екі ұңғылы аңшы мылтығының екі бірлігі, 4,5 мм калибрлі «МР-654» пневматикалық тапаншасы, «ИЖ-79» газ тапаншасы, «РГД-5» қол гранатасы, «АК-47» автоматының оқжатары, түрлі калибрлі 87 патрон және арнайы құралдар табылып тәркіленді.
Сондай — ақ, Тараз қаласының ПБ 2- полиция бөлімінің қызметкерлері жедел-іздестіру іс-шараларын жүргізу барысында облыс орталығындағы көшелердің біріндегі қоқыс арасына жасырылған 16- калибрлі «ИЖ-ЗК» маркалы мылтықты, «ТТ ЛИДЕР» маркалы травматикалық тапанша, түрлі калибрлі 23 оқ-дәрі, «АКСУ» автоматының оқтамасы,
полицей каскасы, оқ өтпейтін жилет, резеңке таяқша және полицей қалқаны табылып тәркіленді.
Қазіргі уақытта осы деректерге қатысты ҚР ҚК 287-бабының 3-бөлігі (Қаруды, оқ-дәрілерді заңсыз иелену, дайындау, беру, сақтау) бойынша сотқа дейінгі тергеп-тексеру жұмыстары жүргізілуде. Тиісті сараптамалар кешені тағайындалды.
