«Қазақстан Республикасының рақымшылық жасау Заңына сай, Қылмыстық жауаптылықтан немесе негізгі жазадан босату» туралы Заңға сай енгізілген өзгерістер туралы
- Қылмыстық жауаптылықтан немесе негізгі жазадан босатылады:
1) қылмыстық теріс қылықтар және (немесе) онша ауыр емес қылмыстар жасаған адамдар;
2) нұқсан келтіруге әкеп соқпаған, ауырлығы орташа қылмыстар жасаған не оны толық өтеген немесе олар бойынша азаматтық талап қойылмаған адамдар;
3) залалдың немесе азаматтық талап қоюдың болуына қарамастан, ауырлығы орташа қылмыс жасаған әлеуметтік жағынан осал адамдар.
- Теріс мінез-құлық дәрежесі жоқ, ауырлығы орташа қылмыстар жасағаны үшін осы Заң қолданысқа енгізілген күні жазасын өтеуі бір жылдан аспайтын сотталғандар негізгі жазадан босатылады.
- Осы баптың 1-тармағында көрсетілген қылмыстық құқық бұзушылықтар туралы іс жүргізудегі істерді адамдарды қылмыстық жауаптылықтан босата отырып, қылмыстық процесті жүргізетін орган тоқтатуға тиіс.
- Жасалғаны үшін қосымша жазаны міндетті түрде тағайындау көзделетін қылмыстық теріс қылықтар, онша ауыр емес немесе ауырлығы орташа қылмыстар туралы соттардың іс жүргізуіндегі істер бойынша осы баптың 1-тармағында аталған адамдарды сот негізгі жазадан босатады.
- Осы баптың 1-тармағының күші қолданылатын сотталғандар одан әрі өтеуден тек негізгі жазаны өтеуден босатылуға жатады-деп Заңда көрсетілген.
Айта кететін жайт, нұқсан келтіруге әкеп соқпаған, ауырлығы орташа қылмыстар жасаған не оны толық өтеген немесе олар бойынша азаматтық талап қойылмаған адамдар қылмыстық жауаптылықтан немесе негізгі жазадан босатылады.
Ауырлығы орташа қылмыс жасаған әлеуметтік жағынан осал адамдар кәмелетке толмағандар, жүкті әйелдер, кәмелет жасқа толмаған балалары бар әйелдер, қарт адамдар және бірінші, екінші топтағы мүгедектер залалдың немесе азаматтық талап қоюдың болуына қарамастан, жазасын өтеуден босатады.
Осыған дейінгі рақымшылық туралы заңынан айырмашылығы, үшінші топтағы мүгедектер кіргізілмегендігін атап айтым келеді.
Тараз қаласы №2 сотының судьясы Б.Төребекұлы
