Тараз қалалық соты үйдің 2 тұрғынының «А.» заңды тұлғасына қатысты моральдық зиянның орнын толтыру туралы талап қоюы бойынша азаматтық істі қарады.
Сот Тараз қаласындағы тұрғын үйде ұзақ уақыт бойы жарнамалық және полиграфиялық өнімдерді өндіру бойынша қызмет жүргізілгенін анықтады. Жұмыс жабдықтың шуылымен, бояулардың өткір иісімен және санитарлық нормалардың бұзылуымен қатар жүріп, бұл көршілердің бірнеше рет шағымдануына алып келді.
Тексеру барысында уәкілетті органдар санитарлық-эпидемиологиялық заңнама мен өрт қауіпсіздігі ережелерінің талаптарын бұзғанын анықтады. Заңды тұлға әкімшілік жауапкершілікке тартылған, оған бұзушылықтарды жою туралы нұсқама берілген, алайда олар белгіленген мерзімде орындалмаған. Нұсқамалардың заңдылығы Тараз қаласының әкімшілік құқық бұзушылықтар жөніндегі мамандандырылған сотының күшіне енген қаулысымен расталды.
Сот жауапкердің заңсыз әрекеті талап қоюшылардың құқықтарын бұзуға, оларға моральдық зиян келтіруге және өмір сүру жағдайларын нашарлатуға әкеліп соқтырды, нәтижесінде талап қоюшылар тұрғылықты жерін өзгертуге мәжбүр болды деген қорытындыға келді.
Сот шешімімен заңды тұлғадан талап қоюшылардың әрқайсысының пайдасына 500 мың теңге мөлшерінде моральдық зиянды өтеу, сондай-ақ келтірілген сот шығыстары өндірілді.
Сот шешімі заңды күшіне енді.
Тараз қалалық сотының баспасөз қызметі
