Алматының қылмыстық істер жөніндегі мамандандырылған ауданаралық соты қаланың бұрынғы бас сәулетшісі Алмасхан Ахметжанов пен жер қатынастары басқармасының экс-басшысы Ардақ Самамбетовке қатысты үкім шығарды.
Сот Ахмеджановты ҚР Қылмыстық кодексінің 28-бабының 5-бөлігі, 190-бабының 4-бөлігі, 361-бабының 1 және 4-бөлігі бойынша кінәлі деп танып, 11 жылға бас бостандығынан айыру жазасын тағайындады. Сонымен қатар, оның мүлкі тәркіленіп, мемлекеттік қызметте жұмыс істеу құқығынан өмір бойына айырылды. Самамбетов 10 жылға сотталды.
Тергеу мәліметтері бойынша, Ахмеджанов пен Самамбетов Алматының тау бөктеріндегі аудандарында ірі тұрғын үй кешендерін салуға рұқсат берген, бұл жер учаскелерінің кадастрлық құнын айналып өтуге мүмкіндік берген. Сондай-ақ, оларға инвестициялық жобалар үшін мемлекеттен жер бөлді деген айып тағылды, кейін бұл учаскелер жеке меншікке өтіп кеткен. Айыптау тарапының мәлімдеуінше, Ахмеджанов бұл әрекеттері үшін жақын туыстарына бірнеше пәтер алған.
Ахметжанов ісіндегі басқа сотталғандар кімдер?
- Мұханбетәлі Шалқарбеков — «Ақ жол» партиясының Жамбыл филиалының басшысы. Ол алаяқтыққа көмектескені үшін 5 жыл шартты жаза алды.
- Ерлан Жармұханбетов — Алматының жер қатынастары бөлімінің экс-басшысы. 14 жылға сотталды. Айыптаушылардың нұсқасына сүйенсек, 2022 жылы ол «BAB Assessment» бағалаушысы Алмазхан Бакиров дайындаған жер телімінің құнын 93 млн теңгеге артық бағалап бекіткен.
- Алмазхан Бакиров — жоғарыда аталған бағалаушы. Оның әрекеті 8 жылға бас бостандығынан айырумен аяқталды.
- Берік Өскембаев — кәсіпкер. Жер учаскесіне қатысты алаяқтыққа көмектескені үшін 5 жыл шартты жаза тағайындалды.
Бұл істің тергеуі 2023 жылдың маусымында Алматыдағы тау бөктеріндегі құрылыстардағы сыбайлас жемқорлық тәуекелдерін талдау нәтижесінде басталды. Ахметжанов Антикор қызметімен ұсталғанға дейін Алматының бас сәулетші қызметінен кеткен еді.
Шалқарбеков Мұханбеталы Жеңісұлы
Кәсіпкерлікті, өнеркәсіпті, құрылысты, көлікті және коммуналдық саланы дамыту мәселелері жөніндегі тұрақты комиссияның төрағасы
Жалпы ақпарат, білімі
1969 жылы Жамбыл облысы, Шу ауданы, Бірлікүстем ауылында дүниеге келген.
2000 жылы Д.А. Қонаев атындағы гуманитарлық университетінің «Құқықтану» мамандығы бойынша бітірген.
2009 жылы Қазақ мемлекеттік аграрлық университетін «Менеджмент» мамандығы бойынша аяқтаған.
«Құрмет» орденімен, Жамбыл облысының «Облысқа сіңген еңбегі үшін» медалімен марапатталған, Шу ауданының Құрметті азаматы.
Мансап
Еңбек жолын 1990 жылы Алматы мақта-мата комбинатының Жастар орталығында маман болып бастаған.
1992-1998 жылдары – Чкалова атындағы совхозда Жастар ісі жөніндегі директордың орынбасары қызметін атқарған;
1998-2000 жылдары — ҚР «Қазақ радиосы» ТРК филиалы-үйлестіру және маркетинг қызметін атқарған;
2004 – 2006 жылдары – «National-JS» ЖШС-Бас директоры болған;
2006 – 2007 жылдары — Алматы қаласы әкімдігінің «Алматы Жер» МКК-өндірістік бөлімінде қызмет атқарған;
2008-2012 жылдары «Алматы қаласы бойынша жылжымайтын мүлік орталығы» РМҚК мемлекеттік сатып алу бөлімінде, Қапшағай қаласы бойынша жылжымайтын мүлік орталығы» РМҚК орталықтың басқарушысы қызметін атқарған.
2012-2015 ж. ж. – «Маркет Строй Инжинеринг» ЖШС директоры, 2015-2020 ж. ж. – «АБЗ Ақтас» ЖШС қаржы директоры, 2020 жылдан бастап «StandardConstruction» ЖШС басқаруда.
2021 жылдан бастап «Ақ жол» Қазақстанның демократиялық партиясы Жамбыл облыстық филиалының төрағасы.
