Бүгінгі таңда сыбайлас жемқорлықты алдын алу және ағарту бағытында ҚР Сыбайлас жемқорлыққа қарсы іс-қимыл Агенттігінің Жамбыл облысы бойынша департаменті қоғамдық институттармен өзара сындарлы ынтымақтастық орнатып, бірігіп жұмыс жасауда. Атап айтқанда, «Нұр Отан» партиясы жанындағы қоғамдық кеңестерде сыбайлас жемқорлыққа қарсы өзекті мәселелер көтеріліп,
Департаментпен бірлесіп мемлекеттік органдарға тиісті ұсыныстар енгізіліп келеді. Сондай-ақ, кәсіпкерлердің құқықтары мен заңды мүдделерін қорғау мақсатында «Атамекен» ұлттық кәсіпкерлер палатасымен бірлесе «Protecting Business and Investments» жобасы аясында 40 инвестормен сыбайлас жемқорлыққа қарсы сүйемелдеу келісімге отырып, өңірлік кәсіпкерлер палатасымен бірлесе 26 кәсіпкердің заңды құқықтары қорғалды. «Ашық бюджеттердің интерактивті картасы» жобасы аясында мемлекеттік органдар және қоғам белсенділері арасынан арнайы клуб құрылып отыр, аталған клубпен тұрақты «Аntikor» орталығында бюджеттін игерілуі барысында орын алған мәселелер талқыланып келеді. Бүгінгі күні 5 клуб отырысы өткізіліп онда 15 сұрақ қаралған. Қоғамда парасаттылық идеологиясын насихаттау мақсатынла департамент жанында сыбайлас жемқорлыққа қарсы ақпараттық-ағартушылық штабы жұмыс жасайды. Штаб құрамы облыстағы зиялы қауым, жастар арасындағы көшбасшылар қатарынан құрылған. Ағымдағы жылғы мерзімде штаб мүшелерімен сыбайлас жемқорлыққа қарсы мәдениетті қалыптастыруға байланысты 200 іс-шара ұйымдастырылды.
Ал, «Парасат жолы» жобасы аясында Жамбыл облысында мәдениет өкілдері мен бұқаралық ақпарат құралдары өкілдерінің қатысуымен жалпы саны 260-тан астам ағартушылық іс-шара ұйымдастырылды. Бүгінгі күнге облыс бойынша 274 кітапханаларда «Парасат жолы» орталықтары ашылды. Онымен қоса, облыс әкімдігімен бірлесіп мемлекеттік органдардың жұмысының ашықтығын және қол жетімділігін қамтамасыз ету мақсатында қоғамдық бақылау жүргізуге қоғам белсенділерін және «Жамбыл – адалдық алаңы» жобалық кеңсесінің менеджерлері атсалысуда. Оның ішінде, жол сапасы, білім, денсаулық, жер қатынастары және басқа да қоғам сұранысына ие қызметтері қамтылып отыр. Ақпараттық-ағартушылық жұмыстарды ұйымдастыру және мемлекеттік органдардың ашықтығын қамтамасыз ету мақсатында бүгінгі күнге дейін әлеуметтік желілер арқылы 849 эфир өткізілген. Департаменттің ұсынысы негізінде облыс аумағындағы 370 квазимемлекеттік сектор субъектілерінде комплаенс қызметтің ережелері бекітіліп, сыбайлас жемқорлыққа қарсы іс-қимылға жауапты тұлғалары белгіленген. Облыс көлемінде жалпы саны 12 сервистік әкімдік жұмыс жасауда. Сонымен қатар, Жамбыл облысы мен Тараз қаласының әкімдігі, сондай-ақ, 53 ауылдық округ «Ашық әкімдік» принципімен жұмыс жасауға көшіп, облыс көлемінде 35 фронт-офис ашылып, 242 басшының кабинеті опен спейс форматына ауыстырылған.
Материал Жамбыл облысы әкімдігінің ішкі саясат басқармасының тапсырысы бойынша дайындалды
