Жамбыл облысы, Байзақ ауданы білім бөлімінің №4 мектеп-лицейінің директоры Айгүл Есжановаға қатысты Байзақ ауданы сотының үкімі шықты деп хабарлайды «TURANINFO.KZ» ақпарат агенттігі.
Жамбыл облысы Байзақ аудандық сотының судьясы Е.Тилеубековтың үкімімен Есжанова Айгуль Сабыржановна Қазақстан Республикасының Қылмыстық кодексінің 190 бабының 3 бөлігінің 2 тармағымен кінәлі деп танылсын. ҚР ҚК-нің 190 бабының 3 бөлігінің 2 тармағымен негізгі жаза ретінде жымқырылған мүліктің 10 (он) еселенген мөлшерінде 3 000 000 (үш милион) теңге айыппұл салу жазасымен бірге қосымша ретінде мемлекеттік қызметте, судья қызметін, жергілікті өзін-өзі басқару органдарында, Қазақстан Республикасының Ұлттық Банкінде және оның ведомстволарында, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органда, мемлекеттік ұйымдарда және квазимемлекеттік сектор субъектілерінде лауазымдарды атқаруға өмір бойына тыйым салу тағайындалсын. Айыппұлды ерікті түрде төлеу үшін А.С.Есжановаға үкім заңды күшіне енгеннен кейін 1 (бір) ай мерзім берілсін.
Айгүл Есжанова мектеп педагогынан 300 000 теңге талап еткендігі толық мойындаған екен.
Есжанова сот отырысында тағылған айыпты толық мойындап, сотқа дейінгі берген жауабын құптап, жәбірленушіге келген зиянның орнын толтырып, онымен өзара татуласып, жасаған қылмысына шын ниетімен өкініш білдіріп. Сонымен қатар, бас бостандығынан айырмайтын жаза тағайындауды сұрап, яғни үш миллион теңгеге дейін айыппұлды төлеуге толық мүмкіндігі бар екендігінің дәлел келтірді.
Сот үкімі күшіне енген жоқ.