Қордайда Шалин, Имашев және Қоспаев есімді ұйымдастқан топ мүшелерін шекара асырып жібермек болған Машанло М.А-ға үкім шығарылды. Қордай аудандық соты аталған азаматқа ҚР қылмыстық кодексінің 394-бабының 2 бөлігі бойынша 2 жыл 6 айға бас бостандығынан айыру түріндегі жаза кесті.
Бұл туралы Қордай аудандық прокуратурасы хабарлайды.
Бұрын белгілі болғандай, аудан прокуратурасының жанынан құрылған ведомствоаралық жедел тергеу тобы 2022 жылдың 6 тамызында Сортобев ауылының маңында жоғарыда аталған тұлғаларды Қазақстан Республикасынан Қырғызстанға өткізуді ұйымдастырған Машанлоны әшкерелеген болатын.
Айта кетейік, Қоспаев басқаратын Шалин, Имашевтар ұйымдасқан қылмыстық топтың мүшелері болып табылады. Бұған дейін Қылмыстық кодекстің 249-бабы (рейдерлік) және 262-бабында көрсетілген (қылмыстық топ құру және оларға қатысу) қылмыстарды жасағаны үшін Қаржы мониторингі агенттігі оларды халықаралық іздеуге жарияланған болатын.
