Бұл туралы Ақорда мәлімдеді.
Қазіргі уақытта бюджет қаражатының тиімді әрі мақсатты жұмсалуына қатысты аудит жұмыстары жалғасуда. Комиссия әскери қызметшілердің қауіпсіздігін қамтамасыз етуге, қызмет өткеруіне қажетті жағдай жасауға, азық-түлік және киім-кешекпен жабдықтау сапасына, медициналық көмек көрсетуге, сондай-ақ мемлекеттік мүліктің сақталуына ерекше назар аударып отыр.
Тексеру барысында анықталған жекелеген құқық бұзушылық деректері бойынша сотқа дейінгі тергеп-тексеру басталған. Бүгінде қылмыстық қудалау органдарының қарауында 37 іс бар. Тергеу мүддесіне байланысты аталған істер жөніндегі мәліметтер әзірге жарияланбайды.
Комиссия жұмысы «Заң және тәртіп» қағидаты негізінде жүргізілуде. Негізгі мақсат – Қарулы Күштердің жауынгерлік әзірлігін қамтамасыз ету және әскери тәртіпті нығайтуға бағытталған жүйелі шараларды әзірлеу.
Сонымен қатар комиссия ұсынымдары Әскери реформа жоспарын іске асыру барысында да ескеріліп жатыр. Комиссия жұмысы биылғы қараша айында аяқталады.
