Облыстағы әлеуметтік-еңбек жағдайларын тұрақты бақылауда ұстап, еңбек даулары мен шиелесністеріне жол бермеу мақсатында Жамбыл облысы әкімдігінің еңбек инпекциясы басқармасында жоспарлы жұмыстар атқарылуда. Басқармамен облыстық «Ыстық нүкте» картасы әзірленіп, оған облыстың еңбек тәуекел қаупі жоғары 45 кәсіпорын енгізіліп тұрақты бақылауға алынған. Еңбек және халықты әлеуметтік қорғау министрлігімен жасақталып, тұрақты бақыланып отырған еңбек тәуекел картасына сәйкес, Жамбыл облысы «тұрақты» деңгейді көрсетіп отыр. Жалпы, облыстың еңбек ұжымдарындағы саяси-психологиялық ахуалы тұрақты. Еңбек қатынастары мәселесіне қатысты орын алған еңбек даулары мен наразылықтар облыстық, аудандық және қалалық деңгейдегі әлеуметтік еңбек қатынастарын реттеу жөніндегі комиссияларда тұрақты түрде қаралып келеді.
Жыл басынан облыста үшжақты комиссиялардың 71 отырыстары өткізілген, оның 5-і облыстық тұрақты комиссия тырыстары, 14 рет облыстық көшпелі комиссия отырыстары, және аудандық-қалалық деңгейде 52 рет өткізілген. Сонымен қатар, ағымдағы жылдың шілде айында Жамбыл облысы әкімдігінің еңбек инспекциясы басқарма басшысының орынбасары Е.Есіркепов пен Жамбыл облысы кәсіподақтар бірлестігі төрағасының міндетін атқарушы Б.Қараулов ауданға барып, әлеуметтік және еңбек қатынастарын реттеу жөніндегі аудандық комиссияларының отырыстарына қатысып, ашық есік күнін өткізіп, аудандардағы аталған саладағы өзекті мәселелердің жай-күйімен танысты. Әлеуметтік еңбек қатынастарын реттеу бағытында ағымдағы жылы Жамбыл облысының әкімдігі, «Жамбыл облысы Кәсіподақтар орталығы» және Жамбыл облысының жұмыс берушілерінің өкілі арасындағы 2021−2023 жылдарға арналған әлеуметтік әріптестік туралы өңірлік келісімге қол қойылды. Аталған келісімнің аясында жұмыскерлердің еңбек жағдайларын арттыру, қауіпсіз еңбек жағдайларын ұйымдастыру және басқа да әлеуметтік қолдаулар көрсету мәселелері қамтылды. Облыста әрекет етіп тұрған заңды тұлғалардың саны 10533 бірлікті құраса, оның 6763-ы немесе 64,2 пайызы ұжымдық шарттармен қамтылған. Өндірістік процестерді тұрақтандыру, жұмыс орындарын сақтау және жұмыспен қамту мәселелері бойынша 9220 кәсіпорын, немесе жұмыс істеп тұрғандардың 87,5 пайызы меморандумдарға қол қойды.
Есепті мерзімге Еңбек және халықты әлеуметтік қорғау минстрлігі әлеуметтік-еңбек саласын цифрландыру бойынша бекіткен жылдық жоспар кәсіпорындар бөлінісінде 58,2%-ға, еңбек шарттары бөлінісінде 32,6%-ға орындалып отыр. Еңбек қатынастары саласындағы негізгі бағыттардың бірі – қауіпсіз еңбек жағдайларын реттеу мәселесі. Нақтырақ айтқанда, жазатайым оқиғалардың алдын алу мен өндірістік жарақаттанушылықты азайтуға бағытталған облыстық жол картасы бекітіліп, ол бойынша жұмыстар жүргізілуде.
Материал Жамбыл облысы әкімдігінің ішкі саясат басқармасының тапсырысы бойынша дайындалды
