Ағымдағы жылдың 23 қазанында облыс прокуроры Н.М.Əбдіровтің төрағалығымен Құқық қорғау органдарының Үйлестіру кеңесінде онлайн режимінде облыс əкімінің орынбасары Е.Ж.Жылқыбаевтың жəне уəкілетті органдардың бірінші басшыларының қатысуымен халықты жұмыспен қамту саласындағы 2019-2020 жылдарға арналған мемлекеттік бағдарламаны іске асыру барысында заңдылықты сақтау мəселелері қаралды.
Жұмыссыздарды жұмысқа орналастыру, жұмыс орындарын бөлу кезінде дұрыс емес жоспарлауға, сондай-ақ қаржылық жəне басқа да бұзушылықтарға қатысты бірқатар жүйелі проблемалар анықталды. Барлық деректер бойынша тиісті прокурорлық ықпал ету шаралары қабылданды.
Отырыста аудан əкімдері мен облыс əкімдігінің салалық басқармаларына олардың жұмысында белгіленген кемшіліктер көрсетілді. Сонымен қатар, жергілікті атқарушы органдармен бірлесіп, азаматтар көтерген жəне жергілікті жерлерде шешімін таппаған жекелеген мəселелер қаралды.
Жауапты тұлғаларға жағдайды түзету жəне алдағы уақытта заңдылықты бұзуға жол бермеу бойынша шаралар ұсынылды. Мемлекеттік органдар сайлау кезеңінде заңдылықты қамтамасыз етуге бағдарланды.