Ағымдағы жылы облысқа денсаулық сақтау саласы бойынша 14 жас маман келді. Олардың қатарында жалпы практикалық дәрігер 7, қоғамдық денсаулық сақтау 1, хирург 1, отоларинголог 1, педиатр 2, акушер гинеколог 1, кардиолог 1. Оның ішінде 2 жас маман қалада, 12 жас маман аудандарда қызмет атқаруда. Байзақ ауданында 1, Жамбыл ауданында 1, Қордай ауадынында 1, Т.Рысқұлов ауданында 2, Меркі ауданында 2, Шу АОА 2 қызметкер бар. Оның ішінде 2020 жылғы жұмысқа бөлу қорытындысымен келген 2 жас маман ауданда жұмыс істейді.
Бүгінгі таңда жергілікті бюджет есебінен 800,0 мың теңге көлемінде ақшалай көтерме ақыны 11 жас маман алған. 3 жас маман құжаттарын өткізген, ал республикалық бюджеттен 100 ЕАК тең сомада көтерме жәрдемақыны 2 жас маман алып, 5 жас маман құжат тапсырған.Денсаулық сақтаудың шұғыл міндеті бастапқы буында да, бейінді мамандардың да тапшылығы проблемасын шешу болып табылады. Облыс бойынша-234 кадр тапшылығы болса, оның ішінде Тараз қаласы бойынша – 162, аудандарда-72.
Облыс әкімі Б.М. Сапарбаев пен С. Асфендияров атындағы ҚазҰМУ ректоры арасында жасалған меморандум аясында Тараз қаласында университеттің филиалы ашылды, ол кадр тапшылығын төмендету үшін бастапқы алаңға айналады. Бірақ бұл жеткіліксіз, жас мамандарға әлеуметтік қолдау қажет. Мәселен, тұрғын үй беру, облыс орталығы деңгейінде де, аудандық деңгейде де көтерме ақы төлеу. Сонымен қатар, студенттерді, резиденттерді мақсатты оқыту үшін облыс әкімінің қосымша гранттары қажет — осының барлығы таяудағы 5 жылға есептелген.
Жамбыл облысында I жартыжылдықта техникамен жабдықталу пайызы 87,87% құрады, 2020 жылы – 64,4% болса, 19,4% жоғарылау байқалады. Ал аудандардың жабдықпен жабдықталуы 87%-ды құрады, осы көрсеткіш 2020 жылы 79,34%-ды құрады, 7,66% жоғарылаған. Болашақта дамыған заманауи инфрақұрылымы, диагностикалық, консультациялық және емдеу іс-шараларының толық спектрі бар және оңалтумен аяқталатын 4 жоғары мамандандырылған орталық құра отырып, Кластерлік медицина құру жоспарлануда. Олардың алғашқысы қалалық көпбейінді аурухана базасында бейінді медициналық көмектің барлық спектрі бар ересек тұрғындарға арналған консультациялық-диагностикалық бөлімшесі бар қалалық медициналық орталық болса, екіншісі қалалық және Жамбыл облыстық көп бейінді аурухана базасында консультациялық-диагностикалық бөлімшесі бар облыстық көп бейінді балалар орталығы. Ал ұшінші жоғары технологиялық медициналық орталық – «Ана мен бала» шипажайы базасында оңалту орталығы. Төртіншісі, облыстық онкологиялық орталық — 2021 жылдың күзінде облыстық онкологиялық орталықтың құрылысы аяқталады, желілік үдеткішті сатып алу және орнату қажет, бұл басқа өңірлерге квотаны ұзақ күтпестен өмірлік қажетті жоғары технологиялық көмекті уақтылы алуға мүмкіндік береді.
Материал Жамбыл облысы әкімдігінің ішкі саясат басқармасының тапсырысы бойынша дайындалды
