Талас ауданында 2021 жылы өнеркәсіп салаларын және кәсіпкерлікті дамыту жөніндегі Жол картасымен бекітілген «Бизнестің жол картасы-2025» бағдарламасы бойынша орындалуға 16 жоба жоспарланып, 22 жоба іске асырылған. Бағдарламаның несиелер бойынша пайыздық мөлшерлеменің бір бөлігін субсидиялау құралы бойынша «Даму» кәсіпкерлікті дамыту қоры» АҚ-мен берілетін портфельдік субсидиялау бойынша кәсіпкерлікті дамыту мақсатында несие алу үшін ауданнан «Халық банк» АҚ және «Сбербанк» АҚ арқылы 37,7 млн. теңге қаражатқа 10 кәсіпкер қол жеткізді. «Банк кредиттері бойынша кепілдік беру» құралы бойынша ауданнан Бағдарлама аясында 58,7 млн. теңгеге 12 жобаға өтінім білдірген, оның ішінде 44,2 млн. теңгеге кепілдік сомасы берілген.
«Береке» несиелеу бағдарламасы бойынша 2021 жылдың басында Өңірлік «Береке» несиелеу бағдарламасын жүзеге асыруға 3 банк қатысушы ретінде саналып, «Халық банк» АҚ – 200 млн. тг., «Сберанк» ЕБ» АҚ – 300 млн. тг., «Форте банк» АҚ – 500 млн. тг. қаражат бөлінген. «Береке» несиелеу бағдарламасы аясында несие алу үшін сәуір айында ауданның Қаратау қаласынан 25,0 млн. теңгеге 2 жоба «Сбербанк» ЕБ» АҚ-на құжаттарын жинақтап жатыр.
«Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы» бойынша 2021 жылдың 1 шілдесіне «Ауыл шаруашылығын қаржылай қолдау қоры» АҚ-на Талас ауданынан 115,1 млн. теңгеге 35 жобасы оң шешім алған. Ауылдық жерлерден несиеге оң шешім алған жобалардың иелерімен мал шаруашылығын дамыту бағытында барлығы 39 бас МІҚ, 439 бас уақ мал, 102 бас жылқы малы сатып алынған. «Еңбек» бағдарламасы шеңберінде моноқала-Қаратау қаласынан да 147,0 млн. теңгені құрайтын 16 үміткердің тізімі жинақталып, «Ауыл шаруашылығын қаржылай қолдау қоры» АҚ-на жолданған. Бұдан бөлек «Ауыл шаруашылығын қаржылай қолдау қоры» АҚ арқылы «Сыбаға бағдарламасы» 154,3 млн тенгенің 9 жобасы іске асырылған. «Аграрлық несие корпорациясы» АҚ арқылы 15,5 млн. теңгеге 4 жоба оң шешім алды. Несиеге оң шешім алған жобалардың иелерімен мал шаруашылығын дамыту бағытында барлығы 263 бас уақ мал, 25 бас жылқы малы сатып алынған. 2021 жылдың 1 маусымына «Әулие – ата НС» ЖШС-нен осы Бағдарламаның қаражаты есебінен «Іскер» бағдарламасы бойынша мал шаруашылығы мақсатында 51,0 млн. теңгеге 8 жоба иелері несие алуға үмітті. Оның ішінде, 24 млн. теңгеге 4 жоба қарауда жатса, 27,0 млн. теңгеге 4 жоба құжаттарын жинақтауда.
Ал «Қарапайым заттар экономикасы» бағдарламасы бойынша ауданның елді-мекендерінен жобаларын қаржыландыруға үмітті 8 кәсіпкердің тізімі жасалынып, жалпы жобалар сомасы 923,0 млн. теңгені құрайтын үміткерлер тізімі «Аграрлық несие корпорациясы» АҚ-на жолданған. Қазіргі таңда, Корпорацияда қаражат аударылмауына байланысты жобалар іске асырылмауда. Сонымен қатар, «Аграрлық несие корпорациясы» АҚ арқылы іске асырылатын өзге бағдарламалары бойынша 82,5 млн. теңгеге 5 жоба оң шешім алған. Оң шешім алған несие қаражатының есебінен жобалардың иелерімен барлығы 380 бас уақ мал, 132 бас жылқы малы сатып алынған. Сондай-ақ, аудан кәсіпкерлері микроқаржылық ұйымының «Сыбаға», «Агробизнес», «Агротехника» бағдарламалары арқылы да жобаларын іске асырады. 2021 жылдың 1 шілдесіне «Әулие – ата НС» ЖШС-не 114,2 млн. теңгені құрайтын 8 жоба несие алуға өтінім білдірген. Оның ішінде, 33,6 млн. теңгені құрайтын 4 жоба иелері оң шешім алса, 80,6 млн. теңгені құрайтын 4 жоба ұйым қарауында.
Материал Жамбыл облысы әкімдігінің ішкі саясат басқармасының тапсырысы бойынша дайындалды
